РФС Россия ўйинлари нега Краснодар ва Петербургда ўтишини айтди

Россия футбол иттифоқи (РФС) бош котиби Максим Митрофанов терма жамоа нега Никарагуа билан Краснодарда, Мали билан эса Санкт-Петербургда ўртоқлик учрашувларини ўтказишини изоҳлади. Бу ҳақда euro-football.ru хабар беради.

Унинг сўзларига кўра, қарор қабул қилинаётганда бир нечта омиллар, жумладан иқлим шароити ҳам инобатга олинган. Мақсад — жамоа тайёргарлиги ва учрашувларни имкони қадар қулай муҳитда ўтказиш, шунингдек, мухлисларга ҳақиқий футбол байрамини тақдим этиш.

Россия — Никарагуа учрашуви 27 март куни Краснодарда бўлиб ўтади, Мали билан баҳс эса 31 март куни Санкт-Петербургда ўтказилади. Ҳар икки рақиб ҳам 2026 йил Шимолий Америкада ўтадиган футбол бўйича жаҳон чемпионатига чиқа олмаган.