Нантдаги мусулмон футболчилар Рамазон атрофида баҳс уйғотди

Франция чемпионатида Африка давлатларидан келган мусулмон футболчилар кўп ва айни пайтда улар учун Рамазон ойи давом этмоқда. Бу даврда кундуз куни овқатланиш ҳамда сув ичиш тақиқлангани маълум. Бу ҳақда euro-football.ru хабар беради.

Бироқ «Нант»нинг сўнгги учрашувида ҳамма футболчилар ҳам рўза қоидаларига бир хил даражада амал қилмаётгани кўринди. Ўйин вақтида жамоа дарвозабони Антони Лопес жароҳат олиб, унга тиббий ёрдам кўрсатилаётган пайтда эътиборга молик ҳолат юз берди.

Пауза чоғида бир нечта «Нант» футболчиси, жумладан ливиялик Али Юссеф, мисрлик Мустафа Мохаммед ва марокашлик Юссеф Эл-Араби майдон четига бориб, ҳеч нарса бўлмагандек тамадди қилиб, сув ичиб олди.

Телекамералар бу эпизодни алоҳида ёритди ва натижада араб мамлакатларида ушбу вазият бўйича муайян баҳс-мунозаралар бошланди.

Қайд этилишича, француз лигаси раҳбарияти Рамазон муносабати билан расмий танаффуслар жорий этмайди ва буни регламентда ҳам кўзда тутмаган. Бу борада АПЛ ҳамда Бундеслигада эса амалиёт бошқачароқ.