Ардон Яшари «Милан» сафида орзусига эришганини айтди
Швейцариялик косоварлик ярим ҳимоячи Ардон Яшари ўтган ёзда Белгиянинг «Брюгге» клубидаги ёрқин ўйинларидан сўнг «Милан» сафига кўчиб ўтганди. Футболчи италиялик грандда тўп суриш унинг болаликдаги орзуси бўлганини таъкидлади. Бу ҳақда euro-football.ru хабар беради.
«Милан» мен учун жуда катта маънога эга. Клуб билан шартнома имзолаш — ушалган орзу. Музокаралар анча узоқ давом этди. Ҳозир эса ўзимни жамоага тўлиқ ёрдам беришга тайёр ҳис қиляпман ва унинг муваффақияти учун боримни бераман», — дея Яшарининг сўзларини келтиради pianetamilan.it.
Эслатиб ўтамиз, ҳозирда «Милан» А Серия турнир жадвалида иккинчи ўринда бормоқда.