Месси Марадона билан илк учрашуви қандай бўлганини эслади

Аргентина ҳужумчиси Лионел Месси афсонавий Диего Армандо Марадона билан илк бор қачон ва қандай танишганини гапириб берди. Унинг айтишича, бу учрашув телевидениедаги «La noche del 10» дастури орқали юз берган ва Мессини айнан Марадонанинг ўзи таклиф қилган. Бу ҳақда euro-football.ru хабар беради.

Мессининг сўзларига кўра, у таклифни олгач, рад этмасдан дастурга борган. У билан бирга отаси, амакиси ва амакиваччалари ҳам келган, улар ҳам Марадона билан кўришиб, танишиш имконига эга бўлишган. Месси бу воқеани унутилмас лаҳза сифатида таърифлаган.

Эслатиб ўтамиз, Диего Армандо Марадона 2020 йил ноябрь ойида вафот этган.