Rosenborg med kjempesmell – slått ut av cupen

Rosenborg trudde dei hadde avansert vidare i cupen då dei leia 2–1 mot Bryne når 90 minutt var spelt.

Men så dukka Bryne-spelar Sjur Jonassen opp fem minutt på overtid og utlikna til 2–2.

– Eg synest vi speler ein bra 2. omgang, og fortent utlikna vi. I ekstraomgangane er det ikkje tvil. Då er vi betre enn dei, så det er fortent, oppsummerte Heiberg til TV 2.

I ekstraomgangane snudde laget frå Jæren kampen. Etter 104 minutt sette Nicklas Strunck inn 3–2 før Jonassen scora sit andre mål for kampen like før slutt.

Bryne vinn 4–2 mot Rosenborg på Jæren, i cupens 4. runde.

– Det er vondt å sleppe inn i det 95. minutt. Vi blir nok litt for defensive. De får litt trykk mot slutten, men vi må forsvare boksen betre, seier Rosenborg-målvakt Leopold Wahlstedt til TV 2.

– Det er ein stor kamp og veldig gøy. Vi er ein veldig fin gjeng, seier tomålsscoraren Jonassen til TV 2 like etter kampslutt.