Алматыдағы Есентай арқылы өтетін 2 миллиард теңгелік көпір: қазір қандай және құрылысы қашан аяқталады?
Алматыдағы әл-Фараби даңғылында Есентай өзені арқылы өтетін екі велосипед-жаяу жүргіншілер көпірінің құрылысы 2023 жылдан бері жалғасып келеді. Tengrinews тілшісі жобаның құны қанша екенін және оның қазіргі жай-күйін анықтады.
ХронологияӘл-Фараби даңғылындағы көлік көпірін реконструкциялау және екі велосипед-жаяу жүргіншілер көпірінің құрылысы 2023 жылы басталды. Егер негізгі көпір 2023 жылдың қыркүйегінде пайдалануға берілсе, жаяу жүргіншілер инфрақұрылымын абаттандыру әлі аяқталған жоқ.
Көлік көпірін реконструкциялау / Фото: gov.kz / 11 шілде 2023 жыл2025 жылдың соңында Алматы мәслихатының кезектен тыс сессиясында депутат Салтанат Серікова жұмыс қарқынына назар аударып, пайдалануға беру мерзімі 2023 жылдың соңынан 2024 жылдың желтоқсанына, одан кейін 2025 жылдың мамыры мен маусымына бірнеше рет шегерілгенін еске салды. Оның айтуынша, мердігер компания – Golden City DS.
Кейінірек мерзімнің тағы да ауыстырылғанын білдік – солтүстік көпірдің құрылысын аяқтау 2026 жылдың маусымына жоспарланған.2026 жылдың шілдесіндегі жағдай қалай?
Жол инфрақұрылымын дамыту басқармасы тек оңтүстік велосипед-жаяу жүргіншілер көпірі толық аяқталғанын – қала тұрғындары үшін өткел ашық екенін хабарлады. Солтүстік көпірдегі жұмыстар әлі де жалғасып жатыр.
"Жобаны толық аяқтағанға дейін инженерлік желілерді қайта құру, көпірдің велосипед-жаяу жүргіншілер бөлігін орнату, қоршаулар мен сыртқы жарықтандыруды монтаждау, сондай-ақ іргелес аумақты абаттандыру жұмыстарын жүргізу көзделген", – деп нақтылады ведомство.
Жол инфрақұрылымын дамыту басқармасы жұмыстың ұзаққа созылуының негізгі себебі ретінде жобалық-сметалық құжаттаманың (ЖСҚ) түзетілуін атады.
Бастапқыда жоба өзен арнасындағы 183 ағашты кесуді қарастырған болатын. Тұрғындардың өтінішінен кейін жоба қайта қаралып, конструкциялар автокөлік көпіріне жақынырақ жылжытылды. Басқарма деректері бойынша, бұл 153 ағашты сақтап қалуға мүмкіндік берді, бірақ қосымша келісімдерді талап етіп, жобаны іске асыру мерзіміне әсер етті.
Ведомствоның хабарлауынша, жобалық құжаттаманы түзету 2024 және 2025 жылдар бойы жүргізілген, ал оң қорытынды 2026 жылғы 30 наурызда алынды. Осыдан кейін мердігер ұйым жаңартылған жоба бойынша жұмыстарды бастауға мүмкіндік алды, бұл өз кезегінде бұған дейін айтылған құрылысты аяқтау мерзіміне әсер етті.
"Мемлекеттік сараптаманың қорытындысына сәйкес, түзетілген жоба бойынша құрылыстың нормативтік мерзімі 9 айды құрайды. Мердігер жұмыстарды бекітілген ЖСҚ мен белгіленген мерзімдерге сәйкес орындап жатыр", – деп мәлімдеді басқарма өкілдері.
Сондай-ақ басқарма созылып кеткен жобаның соңғы құнын жариялады.
"Жұмыс жобасын іске асырудың жалпы құны 2 165 562 миллиард теңгені құрады. Мердігер ұйымға төлем техникалық және авторлық қадағалаумен расталған, іс жүзінде орындалған жұмыстар үшін белгіленген тәртіппен жүргізілді", – делінген сауалға берілген жауапта.
Екі велосипед-жаяу жүргіншілер өткелі мен автожол көпірін жөндеуден бөлек, 2,1 миллиард теңге сомасына мыналар кіреді:
түрлі қызметтер мен теңгерім ұстаушылардың 68 инженерлік коммуникациясын қайта құру;диаметрі 800 миллиметрлік су құбыры желісін қайта құру және темірбетон құдықтар орнату;металл аралық құрылыстарды алдын ала керілген темірбетон конструкцияларға ауыстыру;іргелес аумақты абаттандыру (жаяу жүргіншілер байланысын, веложолдарды, баспалдақтарды орнату, өзен беткейлерін нығайту және көгалдандыру).
Көпірлердің қазіргі көрінісі қандай?
Оңтүстік көпір
Жарияланған эскиздерде көпір велосипедшілер мен самокат мінушілерге арналған бөлек қызыл жолағы, мүгедектігі бар жандарға арналған түсу жолдары мен баспалдақтары бар заманауи кеңістік ретінде көрсетілген болатын.
Алматы әкімдігі баспасөз қызметінің эскизі
Алматы әкімдігі баспасөз қызметінің эскизі
Нәтижесінде, іске асырылған шешім бұрын жарияланған эскиздерден сәл өзгеше болып шықты. Түрлі-түсті жабын мен велосипедшілер мен самокат мінушілерге арналған бөлек жолақтың орнына көпірге сұр асфальт төселген, ал қозғалыстың барлық қатысушысы ортақ жолды пайдаланады.
Оңтүстік велосипед-жаяу жүргіншілер көпірі / Фото Tengrinews.kz
Оңтүстік велосипед-жаяу жүргіншілер көпірі / Фото Tengrinews.kzІргелес аумақты абаттандыру әлі толық аяқталмаған. Шығыс жағында гүлдер егіліп, аумақ ретке келтірілсе, батыс жағында жұмыстар әлі де жалғасып жатыр.
Оңтүстік велосипед-жаяу жүргіншілер көпірінің шығыс жағалауы / Фото Tengrinews.kzОңтүстік велосипед-жаяу жүргіншілер көпірінің батыс жағалауы / Фото Tengrinews.kzОңтүстік велосипед-жаяу жүргіншілер көпірінің батыс жағалауы / Фото Tengrinews.kzОңтүстік көпір шынымен де жаяу жүргіншілер үшін ашық. Сонымен қатар іргелес аумақты абаттандыру жұмыстары әлі де жалғасып жатыр.
Оңтүстік велосипед-жаяу жүргіншілер көпірі / Фото Tengrinews.kz
Солтүстік көпір
Солтүстік көпірдегі құрылыс жұмыстары әлі аяқталған жоқ. Конструкция айналасында металл тіреуіштер мен қалыптар тұр, ал кейбір учаскелерде бетон блоктары мен арматуралар көрінеді.
Солтүстік велосипед-жаяу жүргіншілер көпірі / Фото Tengrinews.kz
Солтүстік велосипед-жаяу жүргіншілер көпірі / Фото Tengrinews.kz
Солтүстік велосипед-жаяу жүргіншілер көпірі / Фото Tengrinews.kz
Солтүстік велосипед-жаяу жүргіншілер көпірі / Фото Tengrinews.kz
Жұмыс жүргізу кезінде Есентай өзенінен өту үшін уақытша ағаш көпір қолданылып жатыр.
Солтүстік велосипед-жаяу жүргіншілер көпірінің жанындағы уақытша көпір / Фото Tengrinews.kzСолтүстік велосипед-жаяу жүргіншілер көпірінің жанындағы уақытша көпір / Фото Tengrinews.kzКөпірге шығу үшін қолданыстағы бетон баспалдақтармен төмен түсу қажет.
Солтүстік велосипед-жаяу жүргіншілер көпірінің жанындағы уақытша көпір / Фото Tengrinews.kzСолтүстік велосипед-жаяу жүргіншілер көпірінің аумағы / Фото Tengrinews.kzСолтүстік велосипед-жаяу жүргіншілер көпірінің аумағы / Фото Tengrinews.kzСолтүстік велосипед-жаяу жүргіншілер көпірінің аумағы / Фото Tengrinews.kzБүгінгі таңда солтүстік көпірдің құрылысы әлі аяқталмаған. Жол инфрақұрылымын дамыту басқармасы нысанның нақты ашылу мерзімін айтқан жоқ.
Редакция оқиғаның дамуын бақылауды жалғастырады.