Криштиану Роналду мен “Ақтөбе“ ойыншысы әкесі қайтыс болған Мессиге қолдау білдірді

Португалиялық футболшылар Криштиану Роналду мен қазіргі таңда "Ақтөбе" сапында өнер көрсетіп жүрген Луиш Нани аргентиналық Лионель Мессиге әкесі Хорхе қайтыс болғаннан кейін қолдау білдірді, деп хабарлайды Tengri Sport Аргентина құрамасы капитанының әлеуметтік желідегі парақшасына сілтеме жасап.
39 жастағы аргентиналық әкесімен арақатынасы туралы әсерлі жазба жариялады, бұл жазбаға миллионнан астам көңіл айту пікірі жазылды.
Лионель Мессидің қайғысына ортақтасқандар арасында оның басты бәсекелестерінің бірі Криштиану Роналду да болды.

"Осындай қиын кезеңде саған және жақындарыңа қайрат тілеймін, Лео. Мықты бол", - деп жазды Роналду Мессидің жазбасының астына.

Айта кетейік, жақында Криштиану Роналдудың өмірінде ең бақытты әрі ұзақ күткен оқиғалардың бірі болды. Ол модель Джорджина Родригеске үйленді.
Қазақстанда да Мессиге қолдау білдірді
Сондай-ақ Хорхе Мессидің қазасына Роналдудың құрамадағы бұрынғы серіктесі Луиш Нани де үн қатты.

"Саған және отбасыңа қажыр-қайрат тілеймін, Лео", - деп жазды қазақстандық клубтың ойыншысы.

Фото: instagram.com/leomessi/
Месси әкесінің қазасынан кейін алаңға оралды
Еске сала кетейік, Хорхе Месси 8 тамызда ұзаққа созылған аурудан кейін 69 жасында дүниеден өтті. Аргентиналық футболшы онымен қоштасу үшін АҚШ-тан Аргентинаға бірден ұшып кеткен болатын.
Қазіргі футбол аңызының әкесінің өлімі бүкіл әлемді біріктірді - аргентиналыққа "Реал" мен "Барселона" клубтары, сондай-ақ жүздеген футболшы қолдау білдірді.
БАҚ беттерінде Мессидің қазіргі командасы "Интер Майами" шабуылшыға ес жию үшін шектеусіз уақыт беруге дайын екені жазылған болатын, алайда ол бүгін футболға оралды. Дегенмен, аргентиналықтың алаңға шығуы "Интер Майамиді" топтық кезеңнен кейін Лигалар кубогінен шығып қалудан құтқара алмады.
“Қалай өмір сүрерімді білмеймін“: Месси әкесі қайтыс болғаннан кейін алғаш рет алаңға шықты