Ике "җиңел" һәм бер йөк машинасы бәрелешкән: бер кеше үлгән
Юл-транспорт һәлакәте М-7 "Волга" трассасының 864 нче чакрымында – Питрәч районына караган урында булган.
Һәлакәт 07:41 сәгатьтә килеп чыккан, диелә. Ике җиңел машина һәм бер йөк автомобиле бәрелешкән. Һәлакәт аркасында бер кеше үлгән, дүрт кешенең сәламәтлегенә зыян килгән. Зыян күрүчеләрнең икесе авыр хәлдә. Аларның берсе – Питрәч, икенчесе Казанның 7 нче номерлы хастаханәсенә озатылган. Тагын ике кешенең хәле уртача авырлыкта, диелә. Алар да Питрәч район үзәк хастаханәсенә китерелгән.
Һәлакәт сәбәпләре ачыклана. Юлларда сак йөрсәгез иде!