Футбол буенча Россия кубогы финалчылары билгеле
Финал матчы 2 майда "Казан Арена" стадионында үтә. Башлану вакыты – 16:00 сәгатьтә.
Футбол буенча Россия кубогының финалында Санкт-Петербургның "Зенит" һәм Мәскәүнең ЦСКА командалары очраша. Мәскәү клубы ярымфиналда ышанычлы рәвештә "Краснодар"ны отса (3:1), "Зенит"ка финалга чыгу өчен Пермьнең "Амкар" командасына каршы төгәл 2 сәгать уйнарга (1:1) һәм азактан пенальти сериясе уздырырга туры килде. Бәхет "Зенит"ка елмайды – 4:3.
Шулай итеп Казанда чемпионатның иң көчле һәм "йолдызлы" командалары очрашуын күрәчәкбез.