Урмышлы укучылары бар нәрсәгә өлгер (фото)

Урмышлы укучылары Яр Чаллыда "Яшь татнетчылар" татар сайтларын ясаучы балалар бәйгесе  җиңүчеләрен бүләкләү тантанасында катнашкан.

Бу конкурс икенче мәртәбә үткәрелә. Быел I-IX сыйныф укучылары ясаган 19 интернет-проект катнашкан. Алар ике яшь категориясенә карап бәяләнгән. Җиңүчеләрне бүләкләү Яр Чаллының Мулланур Вахитов исемендәге 2 нче гимназиясендә үткән. Урмышлы мәктәбенең IX сыйныф укучылары Лиана Локманова белән Назлыгөл Галиева өченче урынга лаек булган, VI сыйныфтан Искәндәр Хәбибуллин лауреат исеме алган.