Күршебез Башкортстанда коточкыч авария булган
Башкортстанда Озерное- Кусимовский юлы участогында өч кешенең гомере өзелгән.
“Mazda” руле артына утырган хатын-кыз каршы як полосага чыга һәм “Газель” автомашинасы белән бәрелешә. Каты бәрелүдән “Газель” әйләнеп каплана, аның шоферы һәм пассажиры авыр имгәнүләр ала. Ә менә “Mazda”да утыручыларның берсе дә исән калмый. Руль артындагы хатын кызның да, аның ике – 11 һәм 7 яшьлек балаларының да гомере әлеге юл-транспорт һәлакәтендә өзелә. Хатын-кыз тизлекне арттырган һәм машина белән идарә итүен югалткан дип фаразлана.