Грипка каршы “коралланабыз”
Көзен-кышын теңкәгә тиюче гриппка каршы вакциналау дәвам итә. Инде 1507 кеше грипп авыруыннан прививка ясатып өлгергәннәр. Бушлай прививкаларны беренче чиратта кешеләр белән аралашып эшләүчеләр – укытучылар, медицина хезмәткәрләре, сатучылар, почта таратучылар, шулай ук 60 яшьтән олырак һәм еш авыручылар ясата икән. Грипны “коралланып” каршыларга теләүчеләрне табиблар район үзәк хастаханәсенә прививка ясатырга чакыралар.