Санитар чистарту ункөнлеге игълан ителде

Бу хакта бүген ТР хөкүмәте йортында уздырылган республика киңәшмәсендә Татарстан Республикасы экология һәм табигый ресурслар министры Артем Сидоров хәбәр итте. Министр билгеләп үткәнчә, кышка керер алдыннан бакча-паркларны, скверларны, яшел зоналарны, кешеләр күпләп ял итә торган урыннарны, ишегалларын һәм башка территорияләрне тәртипкә китерү планлаштырыла. 18 октябрьдә республика күләмендә өмә үткәрү ниятләнә.