СМС укыганнан соң бер ир-атның йөрәге ярылган
Юдино бистәсендә яшәүче ир-ат телефонына аның 1 миллион сумлык кредиты булуы һәм аны тиз арада түләп бетерергә кирәклеге турында хәбәр килгән.
Ир-атның чынлыкта бернинди кредиты булмаган, дип яза “Ватаным Татарстан”. Бу көтелмәгән хәбәр аның гомерен өзә. Тикшерү барышында әле фаҗиганең килеп чыгуында мәрхүмнең тулай торактагы күршесе гаепле икәнлеге ачыкланган. Кайчандыр ул аңа банктан кредит алырга ярдәм итүен сораган булган.