Owen: Artıq 23 yaşım olarkən çökməyə başladım

ONBİR As saytına istinadən xəbər verir ki, Owen öz dövrünün ən güclü futbolçularından biri idi. O, artıq 17 yaşında olarkən Liverpool`un gənc heyətinə öz adını yazdırmışdı və daha sonra Roy Evans futbolçunun əsas komandada oynaya biləcəyini görüb, onu 17 yaşında ilkin heyətə çağırmışdı. 2004-cü ildə müqaviləsinin bitməsinə 1 il qalmış Real Madrid`ə keçən Balon D’Or qalibi, növbəti mövsüm öz evinə geri döndü və 2013-cü ilə kimi Newcastle, Manchester United və Stoke City kimi klublarda çıxış etdi. Bu gün artıq bu futbolçunun 40 yaşı tamam olur. Owen ötən günlərə nəzər yetirərək – zədə problemi, Balon D’Or və Real Madrid haqqında danışdı:

“20 yaşıma kimi dünyanın ən yaxşı futbolçularından biri idim. Zədə periodları mənim inkişafıma mane olaraq daha da aşağılara saldı. Artıq 23 yaşımda yavaş-yavaş çökməyə başlayırdım.

Real Madrid`də çıxış etdiyim üçün qürur duyuram. Belə bir şansla qarşılaşmışdım və bunu itirə bilməzdim.”