Беларусы ЗША збіраюць сродкі на экіпіроўку беларускіх добраахвотнікаў
З такой ініцыятывай выступілі парафіяльная рада Катэдральнага сабору Святога Кірылы Тураўскага і Галоўная ўправа Беларуска-Амерыканскага Задзіночання.
Беларусы ЗША збіраюць спецыяльную амуніцыю, медыкаменты, аптэчкі, а таксама сродкі на іх закупку і адпраўку ва Ўкраіну ў падраздзяленні беларускіх добраахвотнікаў, якія вырашылі змагацца супраць нападу расейскай арміі на Ўкраіну. З такой ініцыятывай выступілі парафіяльная рада Катэдральнага сабору Святога Кірылы Тураўскага і Галоўная ўправа Беларуска-Амерыканскага Задзіночання. Пры беларускай царкве ў Нью-Ёрку створаны Каардынацыйны цэнтр.
Гаворыць адзін з каардынатараў ініцыятывы Андрэй Дундукоў:
-Добраахвотнікі прыходзяць на месца. Спачатку ім давалі толькі аўтамат, чатыры магазіны і падсумак. Дзякуй Богу, хлопцы патрохі экіпіруюцца, украінцы таксама актыўна дзеляцца тым, што ёсць. Чэшская дыяспара вельмі моцна дапамагла Беларусі. Яны сабралі добрую колькасць камплектаў для беларусаў – ад шкарпэтак да касак. Беларусы ўсё прыходзяць, прыходзяць і прыходзяць.
На сённяшні дзень вядома ўжо больш як пра тысячу беларусаў, якія вырашыліся змагацца поплеч з украінцамі супраць расейскіх акупантаў. У тым ліку некаторыя з іх прыляцелі туды нават са Злучаных Штатаў Амерыкі.
Адрас Сабору:
401 Atlantic Ave.
Brooklyn, NY 11217.
Кантактная інфармацыя каардэнатараў Цэнтру:
Віктар Данілаў: (347)-337-4104
Андрусь Дундукоў: (347)-447-1953
Аляксандр Хомчанка (347)-598-7999
Беларусы з „Белага Легіёну” сталі побач у шыхт з абаронцамі Украіны. Яны атрымалі зброю і поруч з украінскімі сябрамі адбіваюцца ад маскоўскай навалы. Але яшчэ патрэбны дадатковы лаштунак.
Патрэбны:
шлемы
бронепліты (спераду ды ззаду)
плітаноскі
тактычныя паясы
падсумкі
абарона для вачэй
абарона для вушэй
накаленнікі
аптэчкі.
„Калі ласка, дапамажыце тым, хто змагаецца з расейскімі агрэсарамі!!! Зараз лёс Беларусі вырашаецца менавіта ва Украіне. Таму гэта наша вайна таксама”, звяртаюцца беларусы ЗША.
Банк:
Santander Bank Polska S.A.
SWIFT банка:
WBKPPLPP
PLN: IBAN: PL59109025030000000123684276
EUR: IBAN: PL70109025030000000122631919
USD: IBAN: PL81109025030000000121985895
Картка: 5575191805193647
BTC: bc1qtaqyld0a026q079km4xtt3yv6rz5y9ckz24ar3
ETH: 0x80fA8cbB52431F8f1E8A85d537e9B41a6c7B76b6
TRX: TTnMHgy3DGsbQ11wo7XihxHiNfH423o19X
Дадатковая інфармацыя ў тэлеграм-канале: @bielylehijon
Беларускае Радыё Рацыя
Фота: facebook