Еўрапейскім дрэвам года сёлета стаў дуб Дунін з Белавежскай пушчы

Ён набраў амаль 180 тысяч галасоў.

На другім месцы дуб з Іспаніі, за ім ішоў дуб з Партугаліі. Усяго на конкурс было заяўлена 15 дрэў з усёй Еўропы.

Дубу Дунін каля 400 гадоў, ён расце каля вёскі Прыбудкі непадалёку ад Белавежы. Яго яшчэ называюць захавальнікам лесу. Названы актывістам экалагічнага руху Янушам Корбелем у гонар беларускага паэта і драматурга Вінцэнта Дуніна-Марцінкевіча.

Дуб Дунін — другое дрэва з Польшчы, якое атрымала званне Еўрапейскага дрэва года. У 2017 годзе першае месца заняў дуб Юзэф з Падкарпацкага ваяводства.