На рэнавацыю помніка Францішку Аляхновічу сабралі каля 2 тысяч еўра
Сродкі будуць збіраць да 1 кастрычніка
Artykuł На рэнавацыю помніка Францішку Аляхновічу сабралі каля 2 тысяч еўра pochodzi z serwisu БЕЛАРУСКАЕ РАДЫЁ РАЦЫЯ.
Сродкі будуць збіраць да 1 кастрычніка, а пакуль на магіле славутага беларуса стаіць часовы крыж. Таварыства беларускай культуры ў Літве праводзіць збор сродкаў на рэнавацыю помніка Францішку Аляхновічу на віленскіх могілках Росы. Напярэдадні на аб’яўленыя рахункі прыйшло ахвяраванне ў 1000 еўра, а агульная сума збору дасягнула 1850 еўра.
Усяго арганізатары хочуць сабраць 6500 еўра. Грошы пойдуць на аднаўленне і ўсталяванне помніка на сімвалічнай магіле. Над рэнавацыяй працуе літоўскі мастак Айдас Рыціс Васіляўскас.
Усталяваць адноўлены помнік плануюць у кастрычніку або лістападзе сёлета.
У 1989 годзе драматурга Францішка Аляхновіча сімвалічна перапахавалі ў Вільні з былых Кальвінісцкіх могілак на могілкі Росы. На кенатафе — сімвалічнай магіле — была пастаўленая часовая, зробленая з пластыку мадэль помніка аўтарства скульптара Эдуарда Падбярэскага.
Францішак Аляхновіч — адзін з пачынальнікаў беларускага прафесійнага тэатра, вязень ГУЛАГа, жахі якога першы ў гісторыі апісаў у сваёй аўтабіяграфічнай кнізе «У капцюрох ГПУ». У часе нямецкай акупацыі быў рэдактарам газэты «Biełaruski hołas» (Вільня), забіты ў 1944 годзе. Паводле розных версій, гэта маглі зрабіць і савецкія партызаны, і байцы польскай Арміі Краёвай, і немцы. Аляхновіч быў пахаваны на Кальвінісцкіх могілках у Вільні, якія за савецкім часам былі ліквідаваныя.
Кожны ахвотны можа пералічыць сродкі на рахунак Таварыства беларускай культуры (з краін ЕС, ЗША і Канады):
Назва: Gudų kultūros draugija Lietuvoje
SWIFT: CBVILT2XXXX
Bank code: 70440
IBAN: LT34 7044 0600 0028 9613
Пазнака: donation for monument.
Ахвяраванні з любых краін можна рабіць на адрас моладзевай асацыяцыі «StudAlliance»:
Праз Stripe па спасылцы (аплата карткай).
Праз BYSOL па спасылцы (аплата карткай).
Перадаць сродкі іншым чынам? Пішыце на пошту info.studalliance@gmail.com.
„Радыё Свабода”
Artykuł На рэнавацыю помніка Францішку Аляхновічу сабралі каля 2 тысяч еўра pochodzi z serwisu БЕЛАРУСКАЕ РАДЫЁ РАЦЫЯ.