СК паведаміў пра завочнае выстаўленне абвінавачання Ціханоўскай і Цапкалу

Спецыяльнае вядзенне ў крымінальных справах супраць Святланы Ціханоўскай і экс-прэтэндэнта ў прэзідэнты Валерыя Цапкалы „на стадыі заканчэння”, паведаміў першы намеснік старшыні Следчага камітэту Алег Шандаровіч у інтэрв’ю БелТА, апублікаваным 17 лістапада.

„Абвінавачанні ўжо выстаўленыя завочна. Справы вялікія, таму недзе ідзе стадыя азнаямлення з матэрыяламі крымінальнай справы», — цытуе яго словы BPN.

„Таксама нюанс у тым, што ў некаторых злачынная дзейнасць працягваецца. У прыватнасці, ідзецца аб групе грамадзян, якая называе сябе каардынацыйнай радай”, — дадаў прадстаўнік СК.

Пра пачатак спецыяльнага вядзення супраць прадстаўнікоў Каардынацыйнай рады СК паведаміў 20 кастрычніка. У пераліку тых, супраць каго ініцыяваны гэты працэс, Святлана Ціханоўская, Павал Латушка, Вольга Кавалькова, Сяргей Дылеўскі, былая кіраўніца штабу Ціханоўскай Марыя Мароз.

Artykuł СК паведаміў пра завочнае выстаўленне абвінавачання Ціханоўскай і Цапкалу pochodzi z serwisu БЕЛАРУСКАЕ РАДЫЁ РАЦЫЯ.