Луіс дэ ла Фуэнтэ стаў новым галоўным трэнерам зборнай Іспаніі
Раней 61-гадовы спецыяліст працаваў у маладзёжных зборных краіны, "Алавесе" і "Атлетыку".
Artykuł Луіс дэ ла Фуэнтэ стаў новым галоўным трэнерам зборнай Іспаніі pochodzi z serwisu БЕЛАРУСКАЕ РАДЫЁ РАЦЫЯ.
Луіс дэ ла Фуэнтэ прызначаны новым галоўным трэнерам зборнай Іспаніі. Раней 61-гадовы спецыяліст працаваў у маладзёжных зборных краіны, „Алавесе” і „Атлетыку”.
Сёння стала вядома, што Луіс Энрыке пайшоў у адстаўку. Разам з Энрыке каманду пакіне і трэнерскі штаб у поўным складзе.
На чэмпіянаце свету ў Катары зборная Іспаніі пад кіраўніцтвам Энрыке выйшла з групы „Е”, разграміўшы костарыканцаў 7:0, згуляўшы ўнічыю з немцамі 1:1 і саступіўшы японцам 1:2. У 1/8 фіналу „Чырвоная фурыя” пацярпела паразу ад каманды Марока ў серыі пенальці.
Раналду быў раз’юшаны і хацеў з’ехаць са зборнай Партугаліі
Крышціяну Раналду хацеў з’ехаць з Чэмпіянату свету. Даведаўшыся аб тым, што трэнер Фернанду Сантуш вырашыў не выпускаць яго ў старце на матч 1/8 фіналу супраць каманды Швейцарыі, нападнік быў раз’юшаны, піша Record. У выніку Раналду выйшаў на замену на 73-й хвіліне і выніковымі дзеяннямі не адзначыўся.
Па дадзеных крыніцы, Крышціяну быў вельмі блізкі да таго, каб сабраць рэчы і пакінуць размяшчэнне зборнай. Аднак праз некаторы час футбаліст супакоіўся, усвядоміўшы, што яшчэ можа адыграць важную ролю для гэтай каманды. У зборнай Партугаліі не жадаюць надаваць шмат увагі гэтай сітуацыі.
10 снежня зборная Партугаліі згуляе супраць каманды Марока ў матчы 1/4 фіналу.
Галкіпер берасцейскага „Дынама” цікавы жодзінскаму „Тарпеда”
Галкіпер берасцейскага „Дынама” Міхаіл Казакевіч трапіў у сферу інтарэсаў жодзінскага „Тарпеда”. Як паведамляе інсайдэрскі telegram-канал „Вуха”, клуб разглядае магчымасць умацавання пазіцыі брамніка. У якасці альтэрнатывы называецца і Аляксандр Гутар.
У сезоне-2022 Казакевіч правёў за „Дынама” 23 гульні ў вышэйшай лізе, прапусціў 30 мячоў і запісаў у актыў дзевяць „сухіх” сустрэч.
Адамавіч перайшоў у „Младаст”
Паўабаронца гарадзенскага „Нёмана” Ненад Адамавіч перайшоў у сербскі клуб „Младаст” першага дывізіёна. Пра гэта паведамляе партал Transfermarkt. У сезоне-2022 Адамавіч правёў за „Нёман” 18 гульняў, забіўшы адзін мяч.
Гандбалісты „Кельце” з Каролькам выйшлі ў лідары групы B Лігі чэмпіёнаў
Беларускі гандбаліст Арцём Каралёк дапамог польскаму „Кельцэ'” ўзняцца на першае месца ў групе В Лігі чэмпіёнаў.
У паядынку 9-га тура чэмпіёны Польшчы перайгралі ў венгерскім Сегедзе мясцовы „Пік” 31:28. Арцём Каралёк двойчы закінуў супернікам, усяго ў яго актыве 27 мячоў у гэтым сезоне чэмпіёнскай Лігі.
Протас прыняў удзел у пераможным гасцявым матчы „Вашынгтона” супраць „Філадэльфіі”
У чарговым матчы рэгулярнага чэмпіянату НХЛ „Вашынгтон” на выездзе перамог „Філадэльфію” — 4:1. Беларускі форвард гасцей Аляксей Протас правёў на пляцоўцы 11 хвілін 29 секунд, зрабіў два сілавыя прыёмы і здзейсніў адзін перахоп.
Хакеісты менскага „Дынама” прымуць лепшую каманду КХЛ
Хакейнае менскае „Дынама” правядзе другі паядынак у бягучай хатняй серыі ў рэгулярным чэмпіянаце Кантынентальнай хакейнай лігі. Супернікам падначаленых Вудкрафта стане самая дамінуючая каманда цяперашняга сезону – СКА. Хакеісты з Санкт-Пецярбурга з 67 ачкамі ўзначальваюць табліцу Заходняй канферэнцыі. Чарговае супрацьстаянне „зуброў” і „армейцаў” стартуе на „Мінск-Арэне” ў 19.10.
Беларускае Радыё Рацыя
Artykuł Луіс дэ ла Фуэнтэ стаў новым галоўным трэнерам зборнай Іспаніі pochodzi z serwisu БЕЛАРУСКАЕ РАДЫЁ РАЦЫЯ.