Беларусь займае пятае месца ў свеце па колькасці зняволеных журналістаў
Пра гэта сведчаць новыя даныя Міжнароднай федэрацыі журналістаў (МФЖ).
Artykuł Беларусь займае пятае месца ў свеце па колькасці зняволеных журналістаў pochodzi z serwisu БЕЛАРУСКАЕ РАДЫЁ РАЦЫЯ.
Пра гэта сведчаць новыя даныя Міжнароднай федэрацыі журналістаў (МФЖ), піша «Свабода» са спасылкай на BPN.
Аналіз сітуацыі са свабодай слова і дзейнасці журналістаў у свеце, зазначае прэс-служба МФЖ, сведчыць, што ў 2022 годзе палітычныя рэпрэсіі «паднялі сваю пачварную галаву ад Кітаю да Беларусі і ад Егіпту да Ганконгу, Ірану, М’янмы, Турэччыны і Расеі ў спробе прымусіць замаўчаць СМІ і здушыць пратэсты за свабоду».
Паводле звестак МФЖ, журналісты сталі аднымі з першых ахвяраў рэпрэсій — сама меней, 375 журналістаў і іншых работнікаў СМІ цяпер знаходзяцца за кратамі.
На чале спісу знаходзяцца Кітай і Ганконг — 84 журналісты-вязні. У першую дзясятку таксама ўвайшлі Мʼянма (64 журналістаў за кратамі), Турэччына (51), Іран (34), Беларусь (33), Егіпет (23), Расея (разам з акупаваным Крымам) (29), Савудаўская Арабія (11), Емэн (10) ) і Сірыя (9).
МФЖ таксама паведаміла, што ў 2022 годзе ў свеце пры выкананні службовых абавязкаў было забіта 67 журналістаў і супрацоўнікаў СМІ (у мінулым годзе — 47), у тым ліку на вайне ва Украіне — 12.
Генсакратар Фэдэрацыі заклікае ўрадаў ва ўсім свеце прыняць меры па абароне журналістыкі, і адзначае, што Генеральнай асамблеі ААН час прыняць Канвенцыю МФЖ аб бяспецы і незалежнасці журналістаў.
1 снежня намеснік старшыні Беларускай асацыяцыі журналістаў Барыс Гарэцкі на другім Форуме свабоднай журналістыкі ў Вільні заявіў, што сітуацыя са свабодай і выказваннем меркавання ў Беларусі застаецца адной з найгоршых у Еўропе.
Artykuł Беларусь займае пятае месца ў свеце па колькасці зняволеных журналістаў pochodzi z serwisu БЕЛАРУСКАЕ РАДЫЁ РАЦЫЯ.