Իռլանդիան շուրջ 20 ներգաղթյալի կընդունի Սիցիլիայում գտնվող Diciotti փրկարարական նավից
Իռլանդիան շուրջ 20 ներգաղթյալի կընդունի, որոնք գտնվում են սիցիլիական Կատանիա նավահանգստում կառանված Diciotti փրկարարական նավում:
Ինչպես հաղորդում է РИА Новости-ն, Իռլանդիան կընդունի Diciotti-ի ուղևորների մի մասին Իտալիայի հետ համաձայնագրի շրջանակներում, որի մասին Իտալիայի ՆԳ նախարար և փոխվարչապետ Մատեո Սալվինին հայտարարել է շաբաթ: Ալբանիան նույնպես պատրաստ է 20 մարդու ընդունել:
Հիշեցնենք, որ իտալական Diciotti նավի նավաստիներն օգոստոսի 15-ին 177 ներգաղթյալի են փրկել Միջերկրական ծովի մալթիական ջրերում, սակայն Իտալիայի իշխանությունները թույլ չէին տալիս ներգաղթյալներին ափ իջնել, քանի որ ԵՄ երկրները հրաժարվում էին ընդունել նրանց: