Անքնության մասին հինգ առասպել

Անքնությունը շատերի համար լուրջ խնդիր է, մյուսների համար՝ ոչ այնքան: Եթե կարծում եք, որ գիշերը չքնելը կարող եք կոմպենսացնել առավոտյան կամ ցերեկային քնով, ապա, ամենայն հավանականությամբ, Դուք անքնության մասին միֆերի ազդեցության տակ եք: Եվ այսպես, ներկայացնում ենք անքնության մասին հինգ առասպել, որոնք բավականին տարածված են հարության շրջանում: Առասպել N 1 Անքնությունը խնդիր չէ Այսօր չքնեցիր, …

The post Անքնության մասին հինգ առասպել appeared first on ԳԱԼԱ.

Անքնությունը շատերի համար լուրջ խնդիր է, մյուսների համար՝ ոչ այնքան: Եթե կարծում եք, որ գիշերը չքնելը կարող եք կոմպենսացնել առավոտյան կամ ցերեկային քնով, ապա, ամենայն հավանականությամբ, Դուք անքնության մասին միֆերի ազդեցության տակ եք:

Եվ այսպես, ներկայացնում ենք անքնության մասին հինգ առասպել, որոնք բավականին տարածված են հարության շրջանում:

Առասպել N 1

Անքնությունը խնդիր չէ

Այսօր չքնեցիր, վաղը կառնես քունդ: Իրականում այդպես չէ: Անքնությունը մեկ օրվա բան չէ, այն պաթոլոգիա է, որից տառապում է մարդու կենտրոնական նյարդային համակարգը: Հասուն մարդուն ուժերը վերականգնելու համար անհրաժեշտ է 7-8 ժամ քնել:

Առասպել N 2

Անքնությունն այն է, երբ քունդ չի տանում

Դարձյալ թյուր կարծիք է: Իհարկե, սովորական մարդուն քնելու համար անհրաժեշտ է 10 րոպե, իսկ անքնությամբ տառապողների մոտ այդ ժամանակը կարող է հասնել 2-3 ժամի, բայց ի՞նչ կասեք նրանց մասին, ովքեր նորմալ քնում են, սակայն գիշերը պարբերաբար արթնանում են չնչին աղմուկից կամ անգամ դրա բացակայության պայմաններում…

Առասպել N 3

Առավոտյան քունը կոմպենսացնում է գիշերվանը

Մասնագետները մեկ անգամ չէ, որ բարձրաձայնել են գիշերային քնի կարեւորության մասին: Մարդու օրգանիզմը լիակատար հանգստանում եւ վերականգնում է իր ուժերը միայն գիշերային ժամերին:

Առասպել N 4

Տարիքի հետ մարդն ավելի քիչ քնի կարիք ունի

Իրականում տարեցներն ավելի շատ են տառապում անքնությամբ: Նրանց քունն ամուր չէ, հաճախ են արթնանում: Քնի ցածր որակի պատճառով տարեց մարդիկ, հակառակը, ավելի շատ քնի կարիք ունեն:

Առասպել N 5

Անքնությունը բուժելու կարիք չկա

Անքնությունը լուրջ խնդիր է մարդու օրգանիզմի համար, քանի որ դրա արդյունքում ընկնում է աշխատունակությունը, առաջանում է նեւրոզ, հիշողության վատացում, ընկնում է իմունիտետը, ինչի հետեւանքով մարդը հաճախակի է վարակվում սուր շնչառական հիվանդություններով: Երկարատեւ անքնության արդյունքում տուժում է նաեւ մարդու վերարտադրողական ֆունկցիան:

Doctors.am

The post Անքնության մասին հինգ առասպել appeared first on ԳԱԼԱ.