Պատրաստվում եմ ևս 5 տարի անցկացնել «Տոտենհեմում». գլխավոր մարզիչ
Armsport-ը գրում է.
«Տոտենհեմի» գլխավոր մարզիչ Մաուրիսիո Պոչետինոն ասել է, որ չի մտածում ակումբից հեռանալու մասին՝ չնայած առկա բոլոր շշուկներին:
«Մենք պետք է մնանք մի ամբողջություն: Ես ընդունում եմ կարծիքները: Երբ չես հաղթում, նման բաներ պատահում են ցանկացած ակումբում: Նորմալ է, որ հիմա շատ կարծիքներ ու խոսակցություններ են հայտնվել:
Բոլորին էլ անհրաժեշտ է խոսելը: Բայց պետք է հասկանալ, որ խոսքն ընդամենը այն մասին է, որ մենք պարտվել ենք մի խաղ:
Ես կասկած չունե, որ մենք կպահպանենք միասնականությունն ու նորից հնար կգտնենք հաջողության հասնելու համար: 5 ու կես տարի անց մենք ամեն մամուլի ասուլիսին մենք շարունակում ենք խոսել իմ ապագայի մասին: Ես պատրաստվում եմ այս ակումբում անցկացնել ևս 5 տարի:
Ես հավատում եմ, որ թիմն աջակցում է ինձ: Չեմ կասկածում, որ տղաները ամբողջ ուժով ջանում են ու ցանկանում են հաղթել: Նախևառաջ, նրանք խաղում են իրենց համար, իրենց ընտանիքների համար, իսկ հետո՝ ակումբի ու մարզչական շտաբի համար: Ես չեմ կասկածում նրանց նվիրվածությանը», - Պոչետինոյի խոսքերն է մեջբերել Sky Sports-ը: