Արքայանարնջի օգտակար հատկությունները
Արքայանարինջը (խուրմա) ավանդական բժշկության մեջ հայտնի է որպես միզամուղ, լյարդը պաշտպանող բնական միջոց, սակայն այն կարելի է օգտագործել նաեւ մի շարք այլ հիվանդություններ կանխարգելելու համար: Այն իր մեջ պարունակում է մեծ քանակությամբ հակաօքսիդանտի պաշար, կանխում է վաղաժամ ծերացումը, քաղցկեղի եւ այլ վտանգավոր հիվանդությունների առաջացումը, ամրապնդում է իմունիտետը: Խուրման պարունակում է հզոր նյութ, որն օժտված հակաբակտերիալ, …
The post Արքայանարնջի օգտակար հատկությունները appeared first on ԳԱԼԱ.
Արքայանարինջը (խուրմա) ավանդական բժշկության մեջ հայտնի է որպես միզամուղ, լյարդը պաշտպանող բնական միջոց, սակայն այն կարելի է օգտագործել նաեւ մի շարք այլ հիվանդություններ կանխարգելելու համար:
Այն իր մեջ պարունակում է մեծ քանակությամբ հակաօքսիդանտի պաշար, կանխում է վաղաժամ ծերացումը, քաղցկեղի եւ այլ վտանգավոր հիվանդությունների առաջացումը, ամրապնդում է իմունիտետը:
Խուրման պարունակում է հզոր նյութ, որն օժտված հակաբակտերիալ, հակաբորբոքային հատկություններով:
Այս միրգը պաշտպանում է՝
1.Մրսածությունից եւ գրիպից
Խուրման պաշտպանում է շնորհիվ իր մեջ առկա վիտամին C-ի: Այն ամրացնում է օրգանիզմը, պայքարում հարբուխի եւ մրսածության համախտանիշների դեմ: Շնչառական հիվանդությունների ռիսկի բարձրացման դեպքում լավ կլինի սննդակարգի մեջ ներառել խուրման:
2.Փորկապությունից
Բնական մանրաթելերը եւ մեծ քանակությամբ ջուրն օգնում են ազատվել փորկապությունից:
3.Համարվում է միզամուղ միջոց
Խուրմայի պտուղների մեջ առկա են կալիում եւ կալցիում, այդ պատճառով դրա հաճախակի օգտագործումն ավելի լավ ազդեցություն է ունենում, քան ցանկացած այլ միզամուղ դեղորայք:
4.Նվազեցնում է արյան բարձր ճնշումը
Եթե դուք հիպերտոնիայով եք տառապում, ապա խուրմա հաճախ կերեք: Այն ոչ միայն կօգնի իջեցնել ճնշումը, այլեւ կպաշտպանի սրտի հիվանդություններից: Ձեզ ենք ներկայացնում հիանալի բաղադրատոմս. Մաքրեք մրգի կլեպը, այնուհետեւ հարեք հարիչով: Ստացված հեղուկի վրա ավելացրեք մեկ բաժակ կաթ ու խմեք շաբաթական 3 օր, օրական 3 բաժակ:
5.Խորհուրդ է տրվում լյարդի մաքրման եւ թունազերծման համար
Արքայանարինջը պարունակում է հակաօքսիդանտներ, որոնք չեզոքացնում են թունավոր նյութերը եւ օգնում են վերականգնել բջիջները:
6.Համարվում է էներգիայի աղբյուր
Խուրման պարունակում է մեծ քանակությամբ շաքարավազ, որոնք արագ յուրացվում են օրգանիզմի կողմից եւ վերածվում են էներգիայի:
7.Բնական հակադեպրեսանտ
Շնորհիվ շաքարի եւ կալիումի, խուրմայի հյութը վերացնում է լարվածությունը, հոգնածությունը եւ չեզոքացնում է սթրեսի հետեւանքները:
8.Նիհարեցնող միջոց
Ճիշտ մոտեցման դեպքում ցանկացած միրգ կամ բանջարեղեն կարող է օգտակար լինել նիհարելու հարցում: Այս հյութեղ վառ նարնջագույն պտուղներն օգնում են նիհարել՝ նպաստելով մարսողությանը: Բացի այդ, այն օգնում է մարմնին յուրացնել մեծ քանակությամբ օգտակար նյութեր:
9.Օգնում է յուրացնել օգտակար նյութերը
Խուրմայի բաղադրության մեջ առկա պղինձն օգնում է օրգանիզմին մեծ քանակությամբ երկաթ վերցնել: Բացի այդ, այն նվազեցնում է քրտնարտադրությունը՝ պաշտպանելով օգտակար նյութերի կորստից:
10.Պաշտպանում է մաշկը կնճիռներից եւ փայլ տալիս
Տնային պայմաններում պատրաստած խուրմայով դիմակները ձգում են մաշկը, հարթեցնում կնճիռները: Ամենալավ ազդող դիմակներից է հասած պտուղից, ձվի դեղնուցից եւ մի քանի կաթիլ կիտրոնի հյութից պատրաստված դիմակը:
11.Նպաստում է հեմոֆիլիայի բուժմանը
Ավանդական բժշկական միջոցը պատրաստելու համար անհրաժեշտ է 30 գր չորացրած խուրմա եւ 30 գր լոտոսի արմատ: Մանրացնել մթերքները, ավելացնել 2 բաժակ ջուր եւ թողնել թրմվի 15 րոպե: Ավելացնել 10 մլ մեղր, խառնել եւ օգտագործել 15 օրվա ընթացքում, որից հետո դադար տալ:
12.Զկրտոցից ազատվելու համար
Զկրտոցից ազատվել օգնում է հետեւյալ բաղադրատոմսը. լվանալ եւ ջրի մեջ թրջել 5 հատ խուրմա, 5 հատ մաքրած կոճապղպեղ եւ 6 հատ անուշաբույր մեխակ, հարել հարիչով, ավելացնել եռացրած ջուր: Ստացված ըմպելիքը խմել տաք վիճակում:
Աղբյուր՝ kastory.ru
Թարգմ.՝ Էդիտա Աթոյան
The post Արքայանարնջի օգտակար հատկությունները appeared first on ԳԱԼԱ.