Ոստիկանները հայտնաբերել են 14-ամյա տղային, ով կասկածվում է «Ռիո Մոլ»-ի մոտ 17-ամյա երիտասարդին դանակահարելու մեջ
SHAMSHYAN.com-ի տեղեկություններով՝ ոստիկանության Արաբկիրի բաժնի քրեական հետախուզության բաժանմունքի ծառայողները ձեռնարկված օպերատիվ-հետախուզական միջոցառումների արդյունքում պարզել են դեկտեմբերի 20-ին Արաբկիր վարչական շրջանի Վ. Փափազյան 8 հասցեում գտնվող «Ռիո Մոլ» առևտրի կենտրոնի մոտ 17-ամյա Գագիկ Վ.-ին դանակահարողի ինքնությունը: Ինչպես հայտնում է ֆոտոլրագրող Գագիկ Շամշյանը, Արաբկիրի ոստիկանները պարզել են, որ Գագիկ Վ.-ի հետ վիճաբանել են Կոտայքի մարզի բնակիչ, 14-ամյա …
The post Ոստիկանները հայտնաբերել են 14-ամյա տղային, ով կասկածվում է «Ռիո Մոլ»-ի մոտ 17-ամյա երիտասարդին դանակահարելու մեջ appeared first on ԳԱԼԱ.
Ինչպես հայտնում է ֆոտոլրագրող Գագիկ Շամշյանը, Արաբկիրի ոստիկանները պարզել են, որ Գագիկ Վ.-ի հետ վիճաբանել են Կոտայքի մարզի բնակիչ, 14-ամյա Էրիկ Մ.-ն, Երևանի բնակիչներ, 15-ամյա Արծրուն Ա.-ն և 16-ամյա Ալեքս Հ.-ն:
Պարզվել է, որ վիճաբանության ժամանակ Գագիկ Վ.-ին դանակով հարվածել է Էրիկ Մ.-ն:
Ոստիկանները հայտնաբերել են նաև հանցագործության գործիք հանդիսացող գաղտնի փականով դանակը:
Ինչպես ավելի վաղ հայտնել էր SHAMSHYAN.com-ը, ոստիկանության Արաբկիրի բաժնի հետաքննչական բաժանմունքում նյութեր էին նախապատրաստվում դեկտեմբերի 20-ին թիվ 1 համալսարանական հիվանդանոցից ոստիկանության Արաբկիրի բաժին ստացված ահազանգի փաստով:
Այդ օրը՝ ժամը 20:15-ի սահմաններում նշված կենտրոնից ոստիկանություն հայտնել էին, որ «հետույքի ձախ շրջանի ծակած վերք» ախտորոշմամբ իրենց մոտ էր տեղափոխվել մի քաղաքացի:
Հիվանդանոց մեկնած ոստիկանության Արաբկիրի բաժնի օպերատիվ խումբը պարզել էր, որ վիրավորը Երևան քաղաքի Մալաթիա-Սեբաստիա վարչական շրջանի բնակիչ, 17-ամյա Գագիկ Վ.-ն է, ով հիվանդանոց է տեղափոխվել «Ռիո Մոլ» առևտրի կենտրոնի մոտից, որտեղ դանակահարվել է դեռևս չպարզված անձի կողմից:
Ըստ բժշկի տեղեկանքի՝ Գագիկ Վ.-ն ի վիճակի չէր կատարվածի մասին բացատրություն տալու:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
The post Ոստիկանները հայտնաբերել են 14-ամյա տղային, ով կասկածվում է «Ռիո Մոլ»-ի մոտ 17-ամյա երիտասարդին դանակահարելու մեջ appeared first on ԳԱԼԱ.