Շոլցն ու Մակրոնը Բայդենին սպառնում են առևտրային պատերազմով. Politico
Ֆրանսիան և Գերմանիան ցանկանում են բանակցել Վաշինգտոնի հետ անբարեխիղճ մրցակցության շուրջ և պատրաստ են անհրաժեշտության դեպքում հակահարված տալ, գրում է Politico-ն։
Հանրային վիճաբանությունից հետո Օլաֆ Շոլցը և Էմանուել Մակրոնը ընդհանուր բան գտան՝ աճող մտահոգություններ ԱՄՆ-ի անբարեխիղճ մրցակցության և Եվրոպայի կողմից պատասխան հարված հասցնելու հնարավոր անհրաժեշտության վերաբերյալ:
Նրանք եկել են եզրահանգման, որ ԱՄՆ-ի ծրագրերը պետական սուբսիդիաների վերաբերյալ, որոնք խրախուսում են արտադրանքի տեղափոխումն ԱՄՆ, ազդեցություն ունեն շուկայի վրա:
Փարիզի և Բեռլինի միջև բազմաթիվ տարաձայնություններ կան առանցքային քաղաքական հարցերի շուրջ, ինչպիսիք են էներգետիկան և պաշտպանությունը, հիշեցնում են հեղինակները։ Այնուամենայնիվ, կար նաև ընդհանուր բան։ Երկու առաջնորդներն էլ համաձայնել են, որ ԵՄ-ն չի կարող անմասն մնալ, եթե Վաշինգտոնը առաջ մղի գնաճի նվազեցման ակտը, որը ներառում է հարկերի կրճատում և էներգետիկ խթաններ ԱՄՆ-ում ներդրումներ կատարող ընկերությունների համար ներկայիս տեսքով:
Մասնավորապես, ԱՄՆ-ում վերջերս ստորագրված օրենքները խրախուսում են սպառողներին «գնել ամերիկյանը», երբ խոսքը վերաբերում է էլեկտրամոբիլ ընտրելուն։ Քայլ, որը հատկապես մտահոգիչ է այնպիսի երկրների խոշոր ավտոարդյունաբերության համար, ինչպիսիք են Ֆրանսիան և Գերմանիան:
Հեղինակները եզրակացնում են, որ եթե ԱՄՆ-ը հաշվի չառնի ԵՄ-ի պահանջները, դա կարող է հանգեցնել նոր առևտրային պատերազմի։