Ռոնալդուն բաց կթողնի Ալ-Նասրի այսօրվա հանդիպումը
«Ալ Նասրի» հարձակվող Կրիշտիանու Ռոնալդուն բաց կթողնի Սաուդյան Արաբիայի առաջնության 12-րդ տուրի «Ալ-Տայիի» հետ հանդիպումը։
Նա ներառված չէ հայտացուցակում: Այս մասին հայտնի է դարձել մեկնարկային կազմից, որը հրապարակել է ակումբի մամուլի ծառայությունը։
Ավելի վաղ հաղորդվում էր, որ 37-ամյա Ռոնալդուն, ում համար այս հանդիպումը կարող էր լինել իր նորամուտը նոր թիմում, կարող է բաց թողնել խաղը երկու պատճառով՝ «Մանչեսթեր Յունայթեդի» կազմում երկխաղյա որակազրկումը և օտարերկրյա խաղացողների համար «Ալ Նասրի» հայտացուցակում քվոտաների գերազանցումը:
«Ալ Նասրը» Սաուդյան Արաբիայի առաջնությունում 11 խաղից հետո զբաղեցնում է մրցաշարային աղյուսակի առաջին տեղը։