Կյանքից հեռացել է ԱԺ նախկին պատգամավոր Վրեժ Մարկոսյանը
Կյանքից հեռացել է ԱԺ նախկին պատգամավոր, «Տիգրան Մեծ» հրատարակչության հիմնադիր տնօրեն Վրեժ Մարկոսյանը:
Այս մասին հրատարակչությունը տեղեկացրել է «Ֆեյսբուք»-ի իր էջում:
«Խորը վշտով տեղեկացնում ենք, որ հունվարի 12-ին կյանքից անժամանակ հեռացել է «Տիգրան Մեծ հրատարակչություն» ՓԲԸ հիմնադիր տնօրեն Վրեժ Վարանցովի Մարկոսյանը:
Վրեժ Վարանցովի Մարկոսյանի՝ որպես բացառիկ մարդու, արհեստավարժ, հոգատար ու նվիրված ղեկավարի, իր բարի ու իմաստուն խորհուրդներով ուղղորդող տնօրենի, հիշատակը վառ կմնա աշխատակիցների ու գործընկերների սրտերում»,- մասնավորապես ասվում է գրառման մեջ։