Լեհաստանում մեկնարկել են Եվրոպական երրորդ խաղերը, որին Հայաստանը գործուղել է 58 մարզիկ-մարզուհու։ Նրանք մասնակցելու են խաղերի ծրագրում ընդգրկված 29 մարզաձևերից 9-ի՝ աթլետիկայի, բռնցքամարտի, թաեքվոնդոյի, թեքբոլի, կարատեի, հրաձգության, ջրացատկի, մուայթայի և սուսերամարտի մրցումներին։
Առայժմ մրցակցությանն առավել ակտիվ ներգրաված են Հայաստանի աթլետները, որոնցից երեքը հասցրել են մրցանակային տեղեր գրավել իրենց դիվիզիոնում։ Լևոն Աղասյանը գրավել է առաջին, Յանա Սարգսյանը՝ երկրորդ, իսկ Երվանդ Մկրտչյանը՝ երրորդ տեղը։
Եվրոպական խաղերում անցկացվում է աթլետիկայի Եվրոպայի թիմային առաջնությունը։ Անհատական հաշվարկ նախատեսված չէ։ Հայաստանի հավաքականը ելույթ է ունենում ամենացածր՝ երրորդ դիվիզիոնում։ Հայկական թիմի կազմում ընդգրկված է 12 մարզիկ և 9 մարզուհի։
Մրցակցային երկու օրվա արդյունքներով՝ Հայաստանի հավաքականը թիմային հաշվարկում իր դիվիզիոնի 15 թիմերի մեջ զբաղեցնում է 8-րդ տեղը։
- Իռլանդիա՝ 327 միավոր
- Ավստրիա՝ 320
- Իսրայել՝ 290
- Մալթա՝ 247,5
- Բոսնիա-Հերցեգովինա՝ 238,5
- Անդորրա՝ 196
- Վրաստան՝ 195
- Հայաստան՝ 170
- Ալբանիա՝ 169
- Հյուսիսային Մակեդոնիա՝ 163
- Չեռնոգորիա՝ 160
- Ադրբեջան՝ 129
- Սան Մարինո՝ 124
- Կոսովո՝ 95
- Լիխտենշտայն՝ 19
Այս դիվիզիոնի մրցումներն ավարտվելու են հունիսի 22-ին։
Հայ աթլետների արդյունքները
Եռացատկ, տղամարդիկ
Լևոն Աղասյանը (Հայաստան) 14 մասնակցի պայքարում 16,36 մետր արդյունքով գրավել է առաջին տեղը։ Այդ արդյունքը Աղասյանը գրանցել է 3-րդ փորձի ժամանակ։ Երկրորդ և երրորդ տեղերում են Ալեքսիս Կոպելոն (Ադրբեջան, 15,91 մետր) և Լաշա Գուլելաուրին (Վրաստան, 15,91 մետր)։
Եռացատկ, կանայք
Յանա Սարգսյանը (Հայաստան) 14 մարզուհիների պայքարում 13,06 մետր արդյունքով գրավել է 2-րդ տեղը։ Այդ արդյունքը Սարգսյանը գրանցել է առաջին փորձի ժամանակ։ Առաջին տեղը 13,38 մետր արդյունքով գրավել է Ադրբեջանը ներկայացնող Եկատերինա Սարիևան։
1500 մետր վազք, տղամարդիկ
Երվանդ Մկրտչյանը (Հայաստան) 3 րոպե 44,11 վայրկյան արդյունքով գրավել է 3-րդ տեղը։ Առաջին տեղում է ավստրիացի Ռաֆայել Պալիտշչը (3 րոպե 42,52 վայրկյան), երկրորդում՝ իռլանդացի Կատհալ Դոյլը (3 րոպե 43,36 վայրկյան)։ Մրցավազքին մասնակցել է 13 վազորդ, որոնցից մեկը վերջնագծին չի հասել։
Գնդի հրում, կանայք
Էլիսոն Հալվերսոնը (Հայաստան) 12 մարզուհիների պայքարում 11,79 մետր արդյունքով գրավել է 7-րդ տեղը։ Այդ արդյունքը Հալվերսոնը գրանցել է 3-րդ փորձի ժամանակ։ Առաջին տեղը 15,86 մետր արդյունքով գրավել է վրացուհի Սոֆիկո Շատիրիշվիլին։
400 մետր վազք, կանայք
Գայանե Չիլոյանը (Հայաստան) իր վազքահերթում 8 մարզուհիների պայքարում 57,47 վայրկյան արդյունքով գրավել է 6-րդ տեղը։ Ընդհանուր հաշվարկում Չիլոյանը 6-րդն է՝ 15 մասնակցից։ Առաջին տեղը 51,55 վայրկյան արդյունքով գրավել է իռլանդուհի Շերլին Մաուդսլեյը։
Սկավառակի նետում, կանայք
Ժաննա Շահնազարյանը (Հայաստան) 13 մարզուհիների պայքարում 26,31 մետր արդյունքով գրավել է 11-րդ տեղը։ Այդ արդյունքը Շահնազարյանը գրանցել է առաջին փորձի ժամանակ։ Առաջին տեղը 57,17 մետր արդյունքով գրավել է իսրայելցի Էսթել Վալեանուն։
400 մետր վազք, տղամարդիկ
Դավիթ Սարգսյանը (Հայաստան) իր վազքահերթում 6 մարզիկների պայքարում 50,15 վայրկյան արդյունքով գրավել է 4-րդ տեղը։ Ընդհանուր հաշվարկում Սարգսյանը 12-րդն է՝ 14 մասնակցից։ Առաջին տեղը 48,51 վայրկյան արդյունքով գրավել է Անդորրայի ներկայացուցիչ Պաու Բլասին։
5000 մետր վազք, կանայք
Մարի Սարգսյանը (Հայաստան) 14 մարզուհիների պայքարում 19 րոպե 14,22 վայրկյան արդյունքով գրավել է 11-րդ տեղը։ Առաջին տեղը 15 րոպե 32,39 վայրկյան արդյունքով գրավել է ալբանուհի Լուիզա Գեգան։
800 մետր վազք, տղամարդիկ
Ռոման Ալեքսանյանը (Հայաստան) իր վազքահերթում 7 մարզիկների պայքարում 1 րոպե 53,92 վայրկյան արդյունքով գրավել է առաջին տեղը։ Ընդհանուր հաշվարկում Ալեքսանյանը 6-րդն է՝ 14 մասնակցից։
3000 մետր սթիփլչեյզ վազք, տղամարդիկ
Սոս Հարությունյանը (Հայաստան) 13 մարզիկների պայքարում 10 րոպե 55,42 վայրկյան արդյունքով գրավել է 10-րդ տեղը։ Առաջին տեղը 8 րոպե 48,79 վայրկյան արդյունքով գրավել է Անդորրայի ներկայացուցիչ Նահուել Կարաբանան։
Մուրճի նետում, կանայք
Ժաննա Շահնազարյանը (Հայաստան) 11 մարզուհիների պայքարում 48,58 մետր արդյունքով գրավել է 8-րդ տեղը։ Այդ արդյունքը Շահնազարյանը գրանցել է 3-րդ փորձի ժամանակ։ Առաջին տեղը 71,69 մետր արդյունքով գրավել է Ադրբեջանը ներկայացնող Հաննա Սկիդանը։
100 մետր վազք, կանայք
Մարիաննա Բաղյանը (Հայաստան) իր վազքահերթում 12,41 վայրկյան արդյունքով գրավել է վերջին՝ 7-րդ տեղը։ Ընդհանուր հաշվարկում Բաղյանը 11-րդն է՝ 14 մասնակցից։ Առաջին տեղը 11,57 վայրկյան արդյունքով գրավել է ավստրուհի Մագդալենա Լինդները։
100 մետր վազք, տղամարդիկ
Գոռ Հարությունյանը (Հայաստան) իր վազքահերթում 11,93 վայրկյան արդյունքով գրավել է վերջին՝ 6-րդ տեղը։ Ընդհանուր հաշվարկում Հարությունյանը գրավել է վերջին՝ 13-րդ տեղը։ Առաջին տեղը 11,06 վայրկյան արդյունքով գրավել է անդորրացի վազորդ Գյուլեմ Արդերիու Վիլանովան։
Հեռացատկ, տղամարդիկ
Գոռ Բեգլարյանը (Հայաստան) 13 մարզիկների պայքարում 6,91 մետր արդյունքով գրավել է 9-րդ տեղը։ Այդ արդյունքը Բեգլարյանը գրանցել է 3-րդ փորձի ժամանակ։ Առաջին տեղը 7,73 մետր արդյունքով գրավել է Հյուսիսային Մակեդոնիայի ներկայացուցիչ Անդրեաս Տրայկովսկին։
110 մ արգելավազք, տղամարդիկ
Արամ Արամյանը (Հայաստան) որակազրկվել է, հաշվարկային տեղ չի գրավել։
Սկավառակի նետում, տղամարդիկ
Մանուկ Մանուկյանը (Հայաստան) 14 մարզիկների պայքարում 45,35 մետր արդյունքով գրավել է 8-րդ տեղը։ Այդ արդյունքը Մանուկյանը գրանցել է 2-րդ փորձի ժամանակ։ Առաջին տեղը 62,12 մետր արդյունքով գրավել է ավստրիացի Լուկաս Վեյբհայդինգերը։
100 մ արգելավազք, կանայք
Մելինե Ադամյանը (Հայաստան) իր վազքահերթում 15,52 վայրկյան արդյունքով գրավել է վերջին՝ 8-րդ տեղը։ Ընդհանուր հաշվարկում Ադամյանը 8-րդն է՝ 13 մասնակցից։ Առաջին տեղը 12,82 վայրկյան արդյունքով գրավել է իռլանդուհի Սարահ Լևինը։
800 մետր վազք, կանայք
Էլլադա Ալավերդյանը (Հայաստան) իր վազքահերթում 8 մարզուհիների պայքարում 2 րոպե 11,17 վայրկյան արդյունքով գրավել է 7-րդ տեղը։ Ընդհանուր հաշվարկում Ալավերդյանը 7-րդն է՝ 14 մասնակցից։ Առաջին տեղը 2 րոպե 03,39 վայրկյան արդյունքով գրավել է իռլանդուհի Լուիս Շանահանը։
400 մետր արգելավազք, կանայք
Էլիսոն Հալվերսոնը (Հայաստան) իր վազքահերթում 7 մարզուհիների պայքարում 1 րոպե 02,38 վայրկյան արդյունքով գրավել է 6-րդ տեղը։ Ընդհանուր հաշվարկում Հալվերսոնը 6-րդն է՝ 12 մասնակցից։ Առաջին տեղը 57,02 վայրկյան արդյունքով գրավել է ավստրուհի Լենա Պրեսլերը։
400 մ արգելավազք, տղամարդիկ
Արամ Արամյանը (Հայաստան) իր վազքահերթում 7 մարզիկների պայքարում 57,84 վայրկյան արդյունքով գրավել է 6-րդ տեղը։ Ընդհանուր հաշվարկում Արամյանը գրավել է նախավերջին՝ 13-րդ տեղը։ Առաջին տեղը 55,76 վայրկյան արդյունքով գրավել է ադրբեջանցի Ջավիդ Մամադովը։
Մուրճի նետում, տղամարդիկ
Վանիկ Առաքելյանը (Հայաստան) 18,63 մետր արդյունքով գրավել է վերջին՝ 11-րդ տեղը։ Այդ արդյունքն Առաքելյանը գրանցել է առաջին փորձի ժամանակ։ Առաջին տեղը 63,83 մետր արդյունքով գրավել է իռլանդացի Սեան Մոքլերը։
4×100 մետր փոխանցումավազք, կանայք
Մարիաննա Բաղյան, Ինգա Շեկոյան, Մելինե Ադամյան, Գայանե Չիլոյան կազմով հանդես եկած Հայաստանի հավաքականը 48,95 վայրկյան արդյունքով իր վազքահերթում գրավել է նախավերջին՝ 6-րդ տեղը։ Հայկական քառյակն առաջ է անցել վրացուհիներից։ Բաղյանը մրցատարածությունը հաղթահարել է 13,05, Շեկոյանը՝ 12,59, Ադամյանը՝ 12,37, Չիլոյանը՝ 10,94 վայրկյանում։ Ընդհանուր հաշվարկում Հայաստանի հավաքականը 7-րդն է՝ 11 թիմից։ Առաջին տեղը 44,18 վայրկյան արդյունքով գրավել է Ավստրիայի քառյակը։
4×100 մետր փոխանցումավազք, տղամարդիկ
Արամ Արամյան, Գոռ Հարությունյան, Ռոման Ալեքսանյան, Դավիթ Սարգսյան կազմով հանդես եկած Հայաստանի հավաքականը 45,53 վայրկյան արդյունքով իր վազքահերթում գրավել է վերջին՝ 5-րդ տեղը։ Արամյանը մրցատարածությունը հաղթահարել է 12,50, Հարությունյանը՝ 11,08, Ալեքսանյանը՝ 11,70, Սարգսյանը՝ 10,25 վայրկյանում։ Ընդհանուր հաշվարկում Հայաստանի հավաքականը գրավել է վերջին՝ 12-րդ տեղը։ Առաջին տեղը 39,57 վայրկյան արդյունքով գրավել է Իռլանդիայի քառյակը։
Հիշեցնենք, որ ավելի վաղ Էլինա Դանիելյանը և Շանթ Սարգսյանը դարձել էին կայծակնային շախմատի զույգերով խաղի Եվրոպայի չեմպիոն։ Այդ առաջնությունը ներառված էր Եվրոպական խաղերի հարակից միջոցառումների ծրագրում։
Հայաստանը հունիսի 22-ին Եվրոպական խաղերում ներկայացուցիչներ է ունենալու աթլետիկայում, ջրացատկում, կարատեում և հրաձգությունում։