4 իրանցիներ ծեծել են «Ջրաշխարհ» հանգստի գոտու աշխատակիցներին. նրանք բերման են ենթարկվել
SHAMSHYAN.com-ի տեղեկություններով՝ հուլիսի 18-ին ծեծկռտուք է տեղի ունեցել Երևանում: ՀՀ Ներքին գործերի նախարարության Ոստիկանության Նոր Նորքի բաժնում տեղեկություններ են ստացվել, որ Մյասնիկյան պողոտա 40 հասցեում գործող «Ջրաշխարհ» հանգստյան գոտում ծեծկռտուք է տեղի ունեցել: Ինչպես հայտնում է ֆոտոլրագրող Գագիկ Շամշյանը, նշված վայր է ժամանել ՀՀ ՆԳՆ Ոստիկանության Նոր Նորքի բաժնի օպերատիվ խումբը: Տեղում ոստիկանները պարզել են, …
The post 4 իրանցիներ ծեծել են «Ջրաշխարհ» հանգստի գոտու աշխատակիցներին. նրանք բերման են ենթարկվել appeared first on ԳԱԼԱ.
SHAMSHYAN.com-ի տեղեկություններով՝ հուլիսի 18-ին ծեծկռտուք է տեղի ունեցել Երևանում: ՀՀ Ներքին գործերի նախարարության Ոստիկանության Նոր Նորքի բաժնում տեղեկություններ են ստացվել, որ Մյասնիկյան պողոտա 40 հասցեում գործող «Ջրաշխարհ» հանգստյան գոտում ծեծկռտուք է տեղի ունեցել:
Ինչպես հայտնում է ֆոտոլրագրող Գագիկ Շամշյանը, նշված վայր է ժամանել ՀՀ ՆԳՆ Ոստիկանության Նոր Նորքի բաժնի օպերատիվ խումբը:
Տեղում ոստիկանները պարզել են, որ նույն օրը, ժամը 16:00-ի սահմաններում, «Ջրաշխարհ» հանգստյան գոտու աշխատակից 17-ամյա Աշոտ Հ.-ն սահուղուց օգտվելու կաննոները խախտելու համար նկատողություն է արել 4 քաղաքացու, ովքեր օտարերկրացիներ են:
Ոստիկանները պարզել են, որ այդ անձինք Իրանի Իսլամական Հանրապետության քաղաքացիներ 36-ամյա Օմիդ Փ.-ն, 30-ամյա Ֆարզադ Ռ.-ն, 38-ամյա Օմիդ Ա.-ն և 38-ամյա Մոհեդիմ Փ-ն են, որոնք անհարգալից վերաբերմունք են դրսևորել հասարակության նկատմամբ, կոպիտ կերպով խախտել հասարակական կարգը և հարվածներ են հասցրել Աշոտ Հ.-ին և «Ջրաշխարհ» հանգստի գոտու փրկարար 19-ամյա Էրիկ Ս.-ին:
Արդեն տեղում Նոր Նորքի ոստիկանններն ու ՀՀ ՆԳՆ Ոստիկանության Պարեկային ծառայության Երևան քաղաքի գնդի 3-րդ գումարտակի 1-ին վաշտի պարեկները «Ջրաշխարհ»-ից իրանցիներին խուլիգանություն կատարելու կասկածանքով ձերբակալել և տեղափոխել են Ոստիկանության Նոր Նորքի բաժին, որտեղից նշված անձինք ներկայացվել են Հայաստանի Քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին, որտեղ դեպքի փաստով նախաձեռնվել է վարույթ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։
The post 4 իրանցիներ ծեծել են «Ջրաշխարհ» հանգստի գոտու աշխատակիցներին. նրանք բերման են ենթարկվել appeared first on ԳԱԼԱ.