Նիկոլը գնալու է 100 տոկոսով, բայց մենք առաջին քայլը փորձում ենք այնպես անել, որ նոր եկած իշխանությունը լինի լեգիտիմ. Վազգեն Մանուկյան
Նիկոլը գնալու է 100 տոկոսով, ցանկացած գնով, բայց մենք առաջին քայլը փորձում ենք այնպես անել, որ նոր եկած իշխանությունը լինի լեգիտիմ, եթե չէ, ապա ժողովուրդը կդառնա անկառավարելի։
Հանրապետության հրապարակում հանրահավաքի ժամանակ ասել է «Ազգային կոմիտեի» անդամ Վազգեն Մանուկյանը․
«Հետագա սերունդներն ամոթով են մեզ հիշելու. մեր օրոք Հայաստանը գցեց Արցախի ժողովրդին, որը մեր հայրենակիցներն էին։
Նիկոլի անունը կմոռանան, բայց կհիշեն, որ Հայաստանի միջոցով ինչ ոճրագործություն է եղել այնտեղ։ Ու այդ մեղքը բոլորիս վրա է։ Ու այսպես անպատիվ մենք պետք է ապրենք»։
Վազգեն Մանուկյանը իշխանափոխության համար պայքարող քաղաքական ուժերին համերաշխության ու միասնական գործելու կոչ արեց.
«Ներեք իրար, ձեռք ձեռքի տվեք, իրար լրացրեք։ Բոլորս միասին դա պետք է անենք։ Ես պատրաստ եմ կոմիտեի գործընկերների հետ հանդիպել քաղաքական ուժերի հետ։ Թող գան, միայն համերաշխությամբ կարելի է լուծել հարցը, միասնական լինելով կարող ենք ջարդել այս դևին... Ախր դև էլ չէ, տառական է, փոքր, ճստիկ անիմաստ մարդ, որ մի երկիր կործանեց։ Ու կանգնած այնտեղ խոսում է անկախության մասին։
Մենք ղեկավարել ենք անկախության շարժումը, երբ ինքը փսլնքոտ լակոտ էր, ու հիմա մե՞զ է ասում։ Ի՞նչ է հասկանում նա անկախությունից։ Նա ուզում է Հայաստանը սարքել իր «դուքյանը»,- ասաց Մանուկյանը։