«Բարձր գները հասցեագրելու փոխարեն Թրամփը սպառնում է մեր դաշնակիցներին եւ վտանգում մեր զինվորներին». սենատորները փորձում են կանխել Թրամփի հնարավոր ներխուժումը Գրենլանդիա

«Ես օրենքի փոփոխություն եմ առաջարկում, որպեսզի պարզ դառնա, որ Կոնգրեսը ֆինանսապես չի սատարի Գրենլանդիայում ապօրինի եւ անպետք ռազմական գործողության, որը միայն նպատակ ունի հագեցնելու բռնապետ դառնալու իղձ ունեցողի իշխանատենչ էգոն»։ Այս մասին X-ում գրել է ԱՄՆ Կոնգրեսի Սենատում Արիզոնան ներկայացնող Ռուբեն Գայեգոն՝ ընդդիմանալով նախագահ Դոնալդ Թրամփի՝ Դանիայի Թագավորությանը պատկանող Գրենլանդիա կղզին Միացյալ Նահանգների մաս դարձնելու մտադրությանը։