Գագիկ Սարգսյան. «Ցանկացած մարզիկ նախ եւ առաջ ՀՀ քաղաքացի է եւ ունի անձնական համոզմունքներ, տարբեր հարցերի շուրջ սեփական դիրքորոշում ունենալու սահմանադրական իրավունք»

Աշոցքի ձմեռային մարզաձեւերի ակադեմիայից, որտեղ մարզվում է Միքայելը, երբ դուրս ես գալիս, ոչ շատ հեռու Եռագույն դրոշներ են երեւում։ Դրանք ծածանվում են կողքի երկրի ագրեսիաների հետեւանքով նահատակված աշոցքցի երիտասարդների թարմ շիրիմների վրա։ Այդ երիտասարդները Միքայելի եւ նրա հասակակիցների մանկության ընկերներն էին, համադասարանցիները, համագյուղացիները, վերջապես, հարազատները։ Նրանք իրար հետ էին մեծացել։