ჯეიკ სალივანი: უკრაინის მომავალი ნატო-შია
ეროვნული უსაფრთხოების საკითხებში აშშ-ის პრეზიდენტის მრჩეველმა ჯეიკ სალივანმა განაცხადა, რომ უკრაინა გახდება ნატო-ს წევრი და ეს განხილვას არ ექვემდებარება.
სალივანმა ამის შესახებ ტელეარხ CBS-თან ინტერვიუში განაცხადა.
მისი თქმით, ვილნიუსში, ნატო-ს სამიტზე უკრაინას გარანტიები მისცეს, რომ მას ექნება აუცილებელი მხარადჭერა იმდენ ხანს, რამდენიც საჭირო იქნება.
„და ბოლოს, დიახ, ჩვენ ვთქვით ნატო-ში ძალიან მარტივად: უკრაინის მომავალი ნატო-შია. ეს სერიოზულია. ეს არ ექვემდებარება განხილვას. ეს არის, რაზეც ნატო-ს 31-მა წევრმა ვალდებულება აიღო“, – განაცხადა სალივანმა.
ამასთან, სალივანმა აღნიშნა უკრაინის შეიარაღებული ძალების პროგრესი კონტრშეტევის დროს და დასძინა, რომ უკრაინელი სამხედროები აკეთებენ ყველაფერს, რომ დაასუსტონ რუსეთის საოკუპაციო არმია.
ამავდროულად, სალივანის თქმით, დასავლეთი მუშაობს სანქციების გაძლიერებაზე რუსეთის წინააღმდეგ, ასუსტებს რა მის თავდაცვით-სამრეწველო ბაზას.
ამიტომ, როგორც სალივანმა აღნიშნა, ომის გაგრძელება რუსეთს ძალიან ძვირი დაუჯდება.