Талдықорған әкімдігі азаматтардан бағалардың өсуі туралы хабарламаларды Whatsapp арқылы қабылдай бастады

ТАЛДЫҚОРҒАН. ҚазАқпарат - Тауарлар мен қызмет көрсетулер нарығында бағалардың орынсыз көтерілуіне жол бермеу мақсатында Талдықорған қаласының әкімдігі жоспарға сәйкес бірқатар кешенді шаралар өткізуде. Әлеуметтік-маңызды тауарлардың 33 түрі бойынша бағалардың күн сайынғы мониторингіне ерекше көңіл аударылып жатыр. Бұл үшін жедел штабтың жанында Талдықорған қаласы бойынша тиісті учаскелер санына бөлінген 16 жұмыс тобы құрылған, делінген қалалық әкімдіктің таратқан хабарламасында.