Ұлттың бет-бейнесін айқындайтын негізгі құндылықтар көтерілді
Мемлекет басшысы Қасым-Жомарт Тоқаевтың Атыраудағы үшінші Ұлттық құрылтайдағы сөйлеген сөзіне пікір
Атырауда Президенттің төрағалығымен Ұлттық құрылтайдың үшінші жиыны өткізілді. Биылғы құрылтайдың секциялары өз жұмысын 14 наурыз күні бастады. Ал негізгі жиын Президенттің төрағалығымен 15 наурыз күні болып өтті. Осы ел өміріндегі айтулы жиында Мемлекет басшысы Қасым-Жомарт Тоқаев қоғамдағы өзгерістер туралы өз ойларымен бөлісіп қана қоймай, көптеген ұсыныстар мен бастамаларды ортаға салды.
Айта кетейік, Ұлттық құрылтай алғаш рет Ұлытау облысында 2022 жылы шақырылса, өткен жылы құрылтай мүшелері Түркістанда бас қосты.
Мемлекет басшысы Қасым-Жомарт Тоқаев Ұлттық құрылтайдың үшінші жиынында ел тағдыры үшін өзекті мәселелерге тоқталды. Президент өз сөзін Атырау облысының тарихи мәні мен стратегиялық маңызын түсіндіруден бастады.
Президент Атыраудағы үшінші Ұлттық құрылтай отырысында...