Бұзылған құқықтар қалпына келтірілді
ҚР Мемлекеттік қызмет істері агенттігінің Жамбыл облысы бойынша департаменті қызметінің басым бағыттарының бірі халыққа сапалы мемлекеттік қызмет көрсетуді қамтамасыз ету болып табылады. Мемлекеттік көрсетілетін қызмет алушылардың құқықтарын қорғауға және қалпына келтіруге ерекше назар аударылады. Мемлекеттік органдармен мемлекеттік қызметтер көрсету кезінде шағымдардың ең көп саны жер қатынастары, ауыл шаруашылығы, сәулет, тұрғын үй-коммуналдық шаруашылық және әлеуметтік қамсыздандыру […]
Сообщение Бұзылған құқықтар қалпына келтірілді появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.
ҚР Мемлекеттік қызмет істері агенттігінің Жамбыл облысы бойынша департаменті қызметінің басым бағыттарының бірі халыққа сапалы мемлекеттік қызмет көрсетуді қамтамасыз ету болып табылады. Мемлекеттік көрсетілетін қызмет алушылардың құқықтарын қорғауға және қалпына келтіруге ерекше назар аударылады.
Мемлекеттік органдармен мемлекеттік қызметтер көрсету кезінде шағымдардың ең көп саны жер қатынастары, ауыл шаруашылығы, сәулет, тұрғын үй-коммуналдық шаруашылық және әлеуметтік қамсыздандыру салаларына қатысты түседі.
Мәселен, ҚР АШМ Ветеринариялық бақылау және қадағалау комитетінің Тараз қалалық аумақтық инспекциясы өңірдің жеке кәсіпкерлерінің бірінің құқықтарына нұқсан келтіргені және Мемлекеттік қызмет көрсетуден негізсіз бас тартқаны туралы шағымы Департаментке келіп түскен.
Бұл ретте, Инспекция көрсетілетін қызмет алушының ұсынған құжаттардың дұрыс еместігіне сілтеме жасай отырып, кәсіпкерге мал сою алаңына ветеринариялық-санитариялық қорытынды беруден бас тартқанын алға тартып отыр.
Алайда, Департаментпен тексеру барысында, Инспекция тарапынан заңнама талаптарын бұза отырып, кәсіпкерге қызмет көрсетуден бас тартқаны анықталды.
Осылайша, Жамбыл облысы бойынша Мемлекеттік қызмет істері департаментінің ден қоюынан кейін жеке кәсіпкердің құқықтары толығымен қалпына келтірілді. Өз кезегінде, Тараз қалалық аумақтық инспекциясының инспекторы «әкімшілік құқық бұзушылық туралы» ҚР Кодексінің 465-бабының 2-бөлігі бойынша әкімшілік жауапкершілікке тартылған, бұл 30 АЕК мөлшерінде айыппұл салуды көздейді.
Бұдан бөлек, агроөнеркәсіптік кешен субъектілерін субсидиялау бойынша қызметтер көрсету мерзімдерін бұзу фактісі анықталды.
Мәселен, Департаментпен өңірлік ЖШС-нің бірінен түскен шағымды зерделеу кезінде Жамбыл облысы әкімдігінің ауыл шаруашылығы басқармасымен «Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау» бойынша белгіленген мерзімін бұза отырып мемлекеттік қызмет көрсетілгені анықталды.
Көрсетілетін қызметті алушының құқықтары мен заңды мүдделерін қорғау мақсатында, Департамент көрсетілетін қызметті алушының бұзылған құқықтарын қалпына келтіруге бағытталған шараларды қабылдау туралы нұсқама енгізді.
Осылайша, Департаменттің азаматтың бұзылған құққықтарын қалпына келтіру жұмыстарының нәтижесінде, көрсетілетін қызметті алушының 3 өтінімі бойынша 1 млн.187 мың теңге сомасына инвестициялық субсидиялар алуға шешім қабылданды, яғни инвестициялық субсидиялау туралы шарт жасалды.
Өздеріңіз білетіндей, Халықты әлеуметтік қамсыздандыру саласы ең күрделі салалардың бірі болып табылады. Көрсетілетін қызмет алушылардың құқықтарын қорғау жөніндегі жұмыс осы салада да жүргізіледі.
Мысалы, Департаментке Меркі ауданының тұрғыны «Мемлекеттік әлеуметтік сақтандыру қоры» АҚ Жамбыл облысы бойынша филиалының (бұдан әрі – МӘСҚ) бала босануына байланысты әлеуметтік төлем тағайындаудан бас тартуы туралы шағыммен жүгінді.
Шағым авторының айтуынша, МӘСҚ Мемлекеттік қызмет көрсету үшін бекітілген тізбеде жоқ құжаттарды талап ету арқылы бюрократияға жол берген.
Департаментпен «Мемлекеттік әлеуметтік сақтандыру қоры» АҚ Жамбыл облысы бойынша филиалы бас тарту туралы негізсіз шешім шығарғаны анықталды.
Осылайша, Департаменттің зерделеу жұмыстарының нәтижесінде көрсетілетін қызметті алушының құқықтары толығымен қалпына келтірілді және заңға сәйкес белгіленген мөлшерінде әлеуметтік төлем тағайындалды.
Өткен жылы жүргізілген бақылау іс-шараларының қорытындысы бойынша Департаментпен жалпы 473 бұзушылық анықталып, 45 жауапты тұлға тәртіптік жауапкершілікке тартылса, 19 лауазымды тұлға шамамен әкімшілік жауапкершілікке тартылып, 1 млн.теңге көлемінде айыппұл салынды.
Естеріңізге сала кетейік, Сізге мемлекеттік қызмет көрсетуден негізсіз бас тартқан және заңды құқықтарыңыз бұзылған жағдайда, Сіз ҚР Мемлекеттік қызмет істері агенттігінің Жамбыл облысы бойынша департаментіне Тараз қаласы, Рысбек батыр көшесі, 8А мекен-жайы бойынша немесе 8726438808 нөмірі бойынша, сондай-ақ «08 Onay.qyzmet». Телеграм-каналы арқылы хабарлама қалдыруыңызға болады.
Сообщение Бұзылған құқықтар қалпына келтірілді появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.