Алматыда түнде базарда бес бутик өртенді

Алматының Түрксіб ауданындағы базар аумағында өрт шықты. Жалын бес бутикті шарпыды, алайда құтқарушылар оның көршілес нысандарға таралуына жол бермеді, деп хабарлайды Tengrinews.kz Төтенше жағдайлар министрлігіне сілтеме жасап.
Өрт Сүйінбай даңғылындағы базар аумағында болды. ТЖМ алғашқы бөлімшелері келген сәтте бес бутиктің ашық жанып жатқаны байқалды.
Өрт сөндірушілер жедел түрде сөндіру жұмыстарына кірісіп, жалынның іргелес үй-жайларға одан әрі таралуына жол бермеді. Өрт толықтай сөндірілді.
Өрт салдарынан ешкім зардап шеккен жоқ.













Instagram-дағы бұл жарияланымды көру

Қазақстан Республикасы Төтенше жағдайлар министрлігінің жарияланымы (@112kz_)


Еске сала кетейік, 13 тамызда Алматыда куәгерлер үйлердің төбесінен көтерілген қою қара түтінді видеоға түсіріп алған болатын. Ол кезде Алматы ТЖД Жетісу ауданындағы Тобаяқов көшесінде қойма өртенгенін хабарлаған еді. Өрт жоғары дәрежелі шақырту бойынша сөндірілді.