Бишкекте төртүнчү Элдик курултайга 700дөй делегат катышууда. Бул жолу көйгөйлөрдү айткандар менен кошо бийликтин дарегине мактоо жолдогондор басымдуу болууда. Курултайда президент Садыр Жапаров сүйлөп, аялдар менен балдарды коргоо маселесине токтолду.
Беларуста 2024-жылдын июлунан бери мунапыс жарыялоонун негизинде 569 саясий туткун бошотулду. Бул тууралуу «Весна» укук коргоо борбору билдирип, эсептеп чыкты. Маалыматка ылайык, 2025-жылы АКШнын ортомчулугу менен 342 адам мунапыска чыккан. Укук коргоо борборунун маалыматына караганда, 2025-жылы мунапыс берилген 189 саясий туткун Беларустан мажбурлап чыгарылган. Алардын бири саясатчы Николай Статкевич өлкөдөн чыгып кетүүдөн баш тарткан. Андан көп өтпөй ал кайрадан колонияга кайтарылган. Статкевич 2021-жылы 14 жылга эркинен ажыратылган. Читать дальше...
“Куугунтук курмандыктары” подкастында репрессия мыйзамы кантип ишке ашууда? Изилдөөчүлөр КГБ архивдерине кире алдыбы? Ушул тууралуу репрессия курмандыктарын актоо боюнча комиссиянын жана жумушчу топтун мүчөлөрү, тарыхчылар Аида Кубатова жана Рыскул Жолдошов менен талкуулайбыз.
Бишкектеги курултайда Ош шаарынан шайланып келген делегат, адвокат Айсалкын Карабаева жабык жайлардагы адам укугуна байланыштуу маселе көтөрдү. Анда түрмөлөрдө соттолуучуларга ырайымсыз мамиле жасалган, кыйноого кабылган учурлар бар экенин айтып, президенттен чара көрүүнү өтүндү. "Жабык жайларда "өздөрүбүздүн ички эрежелерибиз бар" дешип, ооруган адамдарга бир кашык суу бербестен зар какшатышат. Ооруган адамдар сууга, дарыга муктаж, бирок бул нерсе эч кимди кызыктырбайт. Мейли алар күнөөсү менен соттолушсун... Читать дальше...
Министрлер кабинети сунуштаган мыйзам долбоорунда айрым ардак наамдарды мамлекеттик сыйлыктын тутумунан алып салуу сунушталган.
Жогорку Кеңеш 25-декабрдагы жыйынында илим, жогорку билим берүү жана инновациялар министри кызматына Гүлзат Исаматованы дайындоого көпчүлүк добуш менен макулдук берди. Буга чейин анын талапкерлигин Конституциялык мыйзамдар, мамлекеттик түзүлүш, сот-укук маселелер боюнча комитети, Эмгек, саламаттык сактоо, аялдар иштери жана социалдык маселелер комитети жактырган. Гүлзат Исаматова 42 жашта. Буга чейин ал Кусеин Карасаев атындагы Бишкек гуманитардык университетинин Эл аралык байланыштар жана инвестициялар... Читать дальше...
Президент Садыр Жапаров Элдик курултайда климаттын өзгөрүү шартында экологияга өзгөчө аяр мамиле кылууга чакырды. Ал илимий изилдөөлөргө таянып, акыркы 70 жылда Кыргызстанда мөңгүлөрдүн аянты 16 пайызга кыскарганын билдирди. Президент бул өзгөрүүлөр өзгөчө экосистема болгон Ысык-Көлгө таасирин тийгизип жатканын, 1854-жылдан бери көлдүн деңгээли 14 метрге төмөндөп, андагы суунун көлөмү 85 миллиард куб метрге азайганын билдирди. Ысык-Көлгө куйган дарыялардын саны үч эсеге кыскарган. 1960-жылдары көлгө 100-110 дарыя куйса... Читать дальше...
Тажикстандын Чек ара кызматы өлкөнүн түштүгүндө Ооганстан менен чек ара бекетине куралдуу кол салуу болгонун жана эки аскер кызматкери каза тапканын ырастады. Мекеме 25-декабрда тараткан расмий маалыматка ылайык, окуя бейшембиге караган түнү катталган. Маалыматта айтылгандай, үч адам Ооганстан тараптан «Сарчашма» чек ара отрядына караштуу бекет аркылуу мамлекеттик чек араны мыйзамсыз өткөн. Чек ара кызматынын билдирүүсүнө ылайык, аларды кармоо аракетинде шектүүлөр куралдуу каршылык көрсөткөн. Атайын операциянын жүрүшүндө үчөө тең жок кылынган. Читать дальше...
2026-жылдын 1-апрелинен тарта Польша Орусиянын жарандарында бул өлкөгө кирүү учурунда биометрикалык паспорту жок болсо аларды киргизбей турган болду. Бул тууралуу Еврокомиссиянын расмий сайтында жазылат. Ошондой эле Польша келерки жылдын 1-январынан тарта паспортунда биочип жок болгон орусиялык дипломатиялык жана кызматтык паспорттор менен кирүүгө тыюу салат. Буга чейин ушундай эле тыюуну Дания, Исландия, Латвия, Франция, Чехия жана Эстония киргизген. Ал эми 2026-жылдын 1-январынан тарта бул өлкөлөрдүн катарын Германия, Румыния толуктаган. Читать дальше...
Орусиянын укук коргоо органдары тажик жаранын «улут аралык кастыкты козутуу» беренеси менен камакка алганы кабарланды. «Сова» укук коргоо борбору тажикстандык жарандын кармалышына 10 жаштагы Кобилжон Алиевдин өлтүрүлүшүнө байланыштуу айткан пикири себеп болгонун билдирди. Маалыматка караганда, кармалган адам 25 жаштагы Саидназар Хожимуродов. Интернетке жарыяланган видеодо ал орой сөздөрдү колдонуп, Орусиянын жетекчилигин, анын ичинде Тергөө комитетинин төрагасы Александр Бастрыкинди "ксенофобиялык кылмыштарга көз жумуп жатат" деп айыптаган. Читать дальше...
Орусиянын Челябинск шаарындагы кыргыз диаспорасынын башчысы Зина Бакирова курултайда чыгып сүйлөдү. Анда президент Садыр Жапаров көлөмдүү баяндама жасаганын, бирок мигранттар маселесине токтолбогонун белгиледи. "Бүгүн сиз аябай жакшы доклад жасадыңыз, кыргыз элине жакшы колдоолор болорун айтып өттүңүз. Абдан жакшы кунт коюп угуп турдук. Бирок ушул чет элдеги кыргыздар жөнүндө, аларга колдоо көрсөтүү жөнүндө сөз болгон жок. Бирок бизди дагы өз көңүлүңүздүн сыртында калтырбайсыз деп ишенебиз", -деди делегат. Читать дальше...
Чүй облусуна караштуу Сокулук районунан шайланып келген делегат Урманбет Албанов кыргыз-казак чек арасын бойлой аккан Чүй дарыясынын жылдан жылга кемирилип жаткан кыргыз тараптагы жээгин бекемдөөгө байланыштуу маселе көтөрдү. Убакыт чектелүү болгондуктан ал бул көйгөйгө кеңири токтолгон жок. Чүй дарыясына байланыштуу буга чейинки курултайларда да делегаттар айтып чыгышкан. Буга карабай, былтыр жээкти бекемдөөгө 80 миллион, мурдагы жылы 50 миллион сом гана берилгени белгилүү болгон, быйыл бюджеттен канча каражат каралганы маалымдалган эмес. Читать дальше...
Тажикстан менен Ооганстандын чек арасында, Шамсиддин Шохин районунда куралдуу кагылышуу болгонун "Озоди" радиосу кабарлады. Радионун булактарынын айтымында, 24-декабрда чек араны ооган аткезчилери кесип өткөнү тууралуу маалымат түшүп, ок атышуунун жыйынтыгында Тажикстандын чек ара кызматынын бир нече кызматкери каза болуп, дагы бир нечеси жаракат алган. Аталган медианын журналисттери каза болгондор 28 жаштагы Исматулло Курбонов жана 33 жаштагы Зиребон Наврузбеков экенин жазды. Ошондой эле аткезчиликке шектүүлөрдүн бири кармалганы айтылды. Читать дальше...
Бишкекте IV Элдик курултай башталды. Эки күндүк иш-чарага жети облус, Бишкек, Ош баштаган шаарлардан, чет өлкөлөрдөгү кыргыз жарандары, Кыргызстан эл ассамблеясынан 700 делегаттын тизмеси аныкталып, бүгүн 690 делегат келди. Президент өлкө экономикасы мурда болуп көрбөгөндөй көтөрүлгөнүн айтты.
Президент Садыр Жапаров 25-декабрда Бишкекте өтүп жаткан IV Элдик курултайда зомбулук маселесине кайрылып, "аялдар менен балдарды коргоо маселеси кызыл чекке жетип баратат" деп айтты. Ал зомбулукка барган кылмышкер жазадан кутулбай турганын белгиледи. “Зордук-зомбулукту айтуунун өзү да оор, бул бирок биздин коом үчүн кечиктирилгис жат көрүнүш. Анткени, алсыздарга кол көтөргөн коом эч качан цивилизациялуу коом боло албайт. Биз буга жол бербешибиз керек. Мамлекет катаал чара көрөт. Аялга же балага кол салган бир да кылмышкер жазадан кутулбайт. Читать дальше...
Садыр Жапаров курултайда жарыш сөзгө чыкчу делегаттарга кайрылып, дароо маселенин ток этер жерин айтууга, бийликке ачык сын-пикир билдирүүгө чакырды. Ал ошондой эле бир райондун акими курултайга делегат шайлоого кийлигишкенини тууралуу маалымат териштирилип жатканын, ага чара көрүлөрүн билдирди. "Баштаганда эле биринчи учурашасыңар, жаңы жыл менен куттуктайсыңар, дагы бир нерселерди айтасыңар, анан кимдин айылында жакшы иш жүрүп жаткан болсо бийликти мактап баштайсыңар. Ошентип жарым убактыңарды жеп коесуңар. Читать дальше...
Президент Садыр Жапаров кол койгон жарлыкка ылайык, Гүлзат Исаматова илим, жогорку билим берүү жана инновациялар министринин милдетин аткаруучу болуп дайындалды. Исаматованын талапкерлиги эми Жогорку Кеңешке макулдашууга киргизилет. Гүлзат Исаматова 42 жашта. Буга чейин ал К.Карасаев атындагы Бишкек гуманитардык университетинин Эл аралык байланыштар жана инвестициялар боюнча проректору кызматын аркалап келген. Кыргыз юридикалык академиясында, Тышкы иштер министрлигинин Дипломатия академиясында Эл... Читать дальше...
РЕН ТВ телеканалынын негиздөөчүсү Ирена Лесневская 83 жашында көз жумду. Бул тууралуу теле алып баруучу Марианна Максимовская билдирди. 1991-жылы Ирена Лесневская уулу Дмитрий менен РЕН ТВ телекомпаниясын негиздеген. 1997-жылы ал ошол эле аталыштагы телеканалды түзүп, аны 2005-жылга чейин башкарып келген. Телеканалдан кеткенден кийин Лесневская "Новая время" журналын сатып алып, кийинчерек анын аталышын The New Times деп өзгөрткөн. 2013-жылы ушул эле журналды анын башкы редактору Евгений Альбацка саткан. Читать дальше...
Улуттук коопсуздук комитети (УКМК) Көк бөрү федерациясынын президенти Рамис Жунусалиев ири өлчөмдөгү алдамчылыкка шек саналып камалганын кабарлады. Маалыматка ылайык, ал атайын кызматта тааныштары бар экенин айтып, ар кандай текшерүүдөн коргоону убада кылып бир компаниянын жетекчисинен жалпысынан 390 миң доллар алган. Жунусалиевге Кылмыш-жаза кодексинин "алдамчылык" беренеси менен кылмыш иши козголуп, өзү УКМКнын тергөө абагына киргизилди. Рамис Жунусалиев Көк бөрү федерациясынын президенти болуп 2023-жылы октябрда шайланган. Читать дальше...
Президент Садыр Жапаров келерки жылдын апрель айынан тартып мугалимдер менен дарыгерлердин айлыгы 100% көтөрүлөрүн билдирди. Ал 25-декабрда курултайда сүйлөп жатып, буга чейин Министрлер кабинетинин төрагасы алардын айлыгы 50% көтөрүлөрүн билдиргенин, бирок өкмөттө кеңешип отуруп ушундай чечим кабыл алынганын айтты. Жапаровдун маалымдашынча, азыр мугалимдердин орточо айлыгы 26 миң сом болсо, көбөйгөндөн кийин 52 миң сомго чамалайт. Шаар жергесинде жаңы келген мугалимдин маянасы 36 миң сомду түзүп, колуна 31 миң сом тиет. Читать дальше...
Улуттук коопсуздук комитети коммерциялык жайды рейдерлик жол менен басып алуу фактысы боюнча «МБЭ Групп» компаниясынын башкы директору Ш.Б.Г аттуу кармалып, негиздөөчүсүнө издөө жарыялады. Бул тууралуу УКМКнын маалымат кызматы кабарлады. Маалыматка ылайык, атайын кызматка Бишкектин 3-кичи районундагы жайгашкан “Альянс Курулуш Плюс” компаниясы куруп жаткан көп кабаттуу турак үйдүн үлүшчүлөрү кайрылган. Алар бул объектини “МБЭ Групп” деп аталган компаниянын негиздөөчүсү рейдерлик жол менен басып алып, курулушка жолтоо болуп жатканына даттанган. Читать дальше...
Бишкекте Токтогул Сатылганов атындагы улуттук филармонияда IV курултай башталды. Ага ар кайсы аймактан, чет өлкөлөрдөгү кыргыз диаспораларынын шайланып келген 690 делегат катышып жатат. Иш-чаранын башында курултайдын улуттук кеңешинин төрагасы болуп Мамбеткерим Чекиров жана анын анын орун басарлары болуп Замирбек Көчөрбаев менен Байболот Абытов дайындалды. Курултайдын биринчи күнүндө президент баштаган бийлик башчылары сөз сүйлөйт. Андан сырткары 150 делегатка жарыш сөзгө чыгат. Курултайдын экинчи... Читать дальше...
Грин-карт лотереясына катышып, АКШга жолдомо утуп алган кыргызстандыктардын абалы бүдөмүк. 18-декабрда Кошмо Штаттардын ички коопсуздук министри Кристи Ноэм бул өлкөдө жашоого жана иштөөгө укук берген грин-карт лотереясын ойнотуу убактылуу токтотулганын билдирген.
Грин-карт лотереясына катышып, Америкага жолдомо утуп алган кыргызстандыктардын абалы бүдөмүк болуп калды. 18-декабрда Американын ички коопсуздук министри Кристи Ноэм АКШда жашоого жана иштөөгө укук берген грин-карт лотереясын ойнотуу убактылуу токтотулганын билдирген. Мындай чечимге Браун университетинде 2 адамды өлтүрүп, бир нечесин жарадар кылган шектүү Америкага 2017-жылы грин-карт менен киргени себеп болгон.
Улуттук коопсуздук комитетинин (УКМК) төрагасы Камчыбек Ташиев күйөөсүнүн огунан мерт болгон келинге байланыштуу комментарий берди. Ал адам өлтүрүлгөн учурда аны кайсы бир жагдайга шылтоо орунсуз экенин эскертти. Ташиев мамлекет аялдарды жана балдарда өзгөчө коргоого милдеттүү экенин белгиледи. "Адам башка бирөөнүн өмүрүн кыйып жатса, "үй-бүлөлүк чыр-чатак", "эмоция", "ичимдик" же "жеке жагдайлар" тууралуу айтылган бир дагы сөз орунсуз. Аялга, өзгөчө - энеге кол салууну актоого болбойт. Бул жөн эле тиричиликтеги уруш эмес. Читать дальше...
