Коронавирус жуккан 11 бейтаптын абалы оор, алтоо реанимацияда
Саламаттык сактоо министринин орун басары Мадамин Каратаевдин маалыматына караганда, Кыргызстанда стационарда коронавирус жуктурган 318 киши жатат. Алардын ичинен 11 адамдын абалы оор, алтоо реанимацияда.
12-апрелге карата Кыргызстанда коронавирус дагы 38 адамдан табылды. Ошентип, республика боюнча бул илдетке чалдыккандардын жалпы саны 377 кишиге жетти, каза болгондор - бешөө.
Жалал-Абад облусунда – 89, Ош облусунда – 119, Чүй облусунда – 21, Баткен облусунда – 4, Ош шаарында – 54, Бишкек шаарында – 59, Нарын облусунда – 25, Ысык-Көл облусунда – 6 учур катталды. Алардын 201и – аял, 176сы – эркек
COVID-19 инфекциясын жуктургандардын жаш курагы:
15 жашка толо электердин саны - 38;
16-19 жаштагылар - 12;
20-35 жаштагылар - 90;
36-55 жаштагылардын саны - 141;
56 жана андан улуулардын саны - 96.
COVID-19 вирусу жуккандардын 63 медицина кызматкерлери. Бардыгы болуп ушул күнгө чейин 54 бейтап айыгып чыкты. (BTo)