Распишана меѓународна потерница по Војминовски

Министерството за внатрешни работи распиша меѓународна потерница за Никола Војминовски, кој е осуден за нападот врз пратеникот Зијадин Села.


Војминовски вчера не беше пронајден дома при извршен надзор од полицијата, по што судот му одреди мерка притвор и даде наредба за распишување на интерна и меѓународна потерница.


Војминовски е осуден на 13,5 години затвор за обидот за убиство врз Села. Нему му беше одреден куќен притвор до правосилност на пресудата.


Покрај Војминовски, за нападот врз пратеникот Зијадин Села осудени се и Кире Ѓорѓиевски, Александар Јаневски – Тошта, Андреј Мицев, Николче Димитриевски, Оливер Ошавковски и Коста Делов.