Папата ги повика новинарите внимателно да ги проверуваат информациите

Папата Френциск ги повика новинарите да ја искористат моќта на медиумите за да ја бараат вистината, и го нарече новинарство алатка за борба против омраза и предрасуди. На состанокот со Здружението на  странски новинари во Рим вчера поглаварот на Римокатоличката црква, исто така, ги повика новинарите да не дозволат да станата плен за пополнување на насловни страници и кликање со непроверени половични приказни.


Тој, исто така, зборуваше за нападите врз новинарите ширум светот и ги увери новинарите дека црквата ја цени нивната работа "дури и кога новинарите ќе допрат врз сурови нерви, вклучително и во црковната заедница".


Состанокот беше првиот што папата го оствари со Здружението на  странски новинари, кое ги претставува новинарите од повеќе од 50 земји од 1988 година.


"Потребни ни се новинари кои се на страната на жртвите, на страната на оние кои се прогонувани, исклучени, и дискриминирани ", рече тој.  Папата Франциск, исто така, рече дека слободата на медиумите е стража против авторитаризмот.


"Да не заборавиме дека во диктатурите, една од првите работи што се  прави е да се  одземе слободата на медиумите", рече тој.