Убиени двајца соомничени кои планирале терористички напад во Русија

Руската Федерална служба за безбедност соопшти дека безбедносните сили убиле двајца мажи кои биле осомничени дека подготвувале терористички напад во регионот Владимир, источно од Москва. Според соопштението, осомничените биле убиени во приватна куќа во Колчугино откако одбиле да се предадат и отвориле оган кон безбедносните сили.


Оружје и муниција, како и рачно изработен експлозив и екстремистичка литература биле пронајдени во куќата. Службата тврди дека тие биле дел од терористичка група со врски во странски земји, но не соопшти дополнителни детали.