Република Српска ја тужи БиХ за долг од 17 милиони евра

Владата на Република Српска соопшти дека ја тужи Федерацијата БиХ поради долг од распределба на приходи од индиректни даноци, во вредност од 34.571.047,78 конвертибилни марки, односно околу 17,6 милиони евра, објавија локалните медиуми.


Тужбата се однесува на долг за периодот од јули 2017 до декември 2018 година. Во соопштението од Владата се посочува дека институциите на Република Српска дале согласност за тужбата, која ја подготвило Правобранителството.