Американските сенатори, демократот Крис Марфи и републиканецот Рон Џонсон денеска во Белград ќе разговараат со претседателот на Србија Александар Вучиќ, а потоа ќе имаат состанок со членови на пратеничката група за пријателство со САД. Марфи и Џонсон неодамна изјавија дека ќе престојуваат во Србија и Косово за да дадат поддршка на дијалогот меѓу Белград и Приштина. Тие престојуваа во Приштина од каде што порачаа дека е потребна пожртвуваност од двете страни за да успее дијалогот.
