Генералниот секретар на НАТО, Јенс Столтенберг денеска изјави дека Алијансата очекува Турција да покаже воздржаност во своите операции во северна Сирија за да се избегне човечко страдање. Тој порача и дека мора да се потсетат оти е потребно заедно да продолжат во нивната заедничка цел, а тоа е борбата против заедничкиот непријател, односно милитантната група Исламска држава.
Глобалната коалиција, според Столтенберг, остварила огромен напредок во борбата против милитантната група и била ослободена територија со големина на Британија. Мора да се осигураат, како што наведе тој, дека ќе ги зачуваат тие придобивки.
