Трамп верува во преговори со Иран за нуклеарниот договор

Американскиот претседател Доналд Трамп е уверен оти се уште има можност за преговори со Иран за нуклеарниот договор, соопшти советничката на Белата куќа, Келиен Конвеј. Еден ден претходно иранските власти соопштија дека ќе се повлечат од нуклеарниот договор постигнат во 2015 година.


„Тој рече дека е отворен за таква можност, доколку Иран започне да се однесува како нормална држава“, одговори Конвеј запрашана дали Трамп верува оти може да го натера Иран да преговара за постигнување на нов договор.


Трамп на Твитер напиша дека Иран никогаш нема да има нуклеарно оружје. Иран соопшти дека нема да преговара за нуклеарниот договор кој Трамп го напушти во 2018 година што предизвика големи нарушувања на односите меѓу Техеран и Вашингтон.