Чулев го доставил барањето до ДИК за назначување на шеф на СВР-Скопје

Техничкиот министер за внатрешни работи Наќе Чулев денеска го доставил барањето за мислење до Државната изборна комисија за назначување на Ристо Ставревски за шеф на СВР- Скопје. Одлуката за негово назначување на функцијата не беше потпишана од дополнителната заменик министерка во МВР Славјанка Петровска. Седницата на ДИК ќе се одржи утре.


Петровска изјави дека не се согласува со таквата одлука, бидејќи за Ставревски имало аудио снимки од кои можело да се чуе дека тој врши притисоци врз гласачи.


Согласно законот за потребни се два потписа, бидејќи тоа е предвидено за одлуките на сите министри и нивните дополнителни заменици во техничката влада.