Две лица ранети при вооружена пресметка во Скопје

Две лица се ранети при вооружена престрелка по што се однесени во градската болница „Св. Наум Охридски“ во Скопје, потврдуваат за Радио Слободна Европа од МВР. Како што велат полициски извори, станува збор за пресметка меѓу четири лица пред деловен објект во село Љубош во која се ранети две лица.

„ Денеска во 13.04 часот во СВР Скопје било пријавено дека пред деловен објект во с.Љубош бил нарушен јавниот ред и мир помеѓу К.Н. и К.Х., од една страна и Н.Р. и М.Р., од друга, при што било употребено и огнено оружје. Притоа со повреди се здобиле К.Н. и М.Р., кои биле пренесени во Градската општа болница „Св.Наум Охридски“ за укажување на лекарска помош, “ велат од МВР.

Оттаму додаваат дека четирите лица се обезбедени, како и нивните возила и оружјето, а по целосно расчистување и документирање на случајот ќе биде поднесен соодветен поднесок.